უკან
სამართალი
30 ივნისი, 2017 15:35
შემიძლია ისიც ვთქვა, რა განაჩენს გამოიტანენ - ელისო კილაძე
ჟურნალისტ ელისო კილაძის შვილის დავით ხარშილაძის საქმეზე დღეს 5 მოწმე დაიკითხება.
მათ შორის არიან დაცვის მხარის მიერ წარმოდგენილი პოლიციელები.
როგორც ელისო კილაძემ ჟურნალისტებს განუცხადა, ერთ-ერთი მოწმის, სამმართველოს უფროსის მანქანიდან გადმოიტანეს ნარკოტიკული ნივთიერება და ჩაუდეს მის შვილს.
„4 ივლისს მე გავასაჯაროებ დეტალებს. შემიძლია ისიც ვთქვა, რა განაჩენს გამოიტანენ,“ - განაცხადა ელისო კილაძემ.
ცნობისათვის, დავით ხარშილაძე ნარკოდანაშაულისთვის მიმდინარე წლის მარტში დააკავეს. შსს-ს ცნობით, მას პირადი ჩხრეკისას ნარკოტიკული ნივთიერება აღმოაჩნდა.