არქივი
კომენტარი
შემოიჭრნენ ჩემს პირად სივცრეში, მისმენდნენ, დღესაც ვერ მივიღე პასუხი თუ რა შუაში ვიყავი - თემურ ჯანაშია
სახელმწიფო დაცვის სპეციალური სამსახურის ყოფილი ხელმძღვანელი თემურ ჯანაშია ადვოკატთან ერთად ე.წ მოდულის შენობაში იმყოფებოდა, სადაც მას 2015 წელს დაწყებული გამოძიების შესახებ მიაწოდეს ინფორმაცია.
ჯანაშიას თქმით, სუს-ში განუმარტეს, რომ მასზე ფარული მიყურადება-მოსმენა გამოძიების ფარგლებში მიმდინარეობდა.
"სახელმწიფო გადატრიალებაზე ადრეც დამკითხეს, ახლა გამაცნეს მასალები. ოღონდ იმ ჩანაწერებში ჩემი ჩანაწერი არ იყო. იქ ვიღაც ერთმა მეორესთან საუბარში ახსენა ჩემი სახელი და თვითონ საუბარშივე ირკვეოდა, რომ შემხებლობა ამ საქმესთან არც მანამდე მქონდა, არც მერე მექნებოდა.
მიუხედავად ამისა ვიყავი დაკითხული, შემოიჭრნენ ჩემს პირად სივრცეში, მისმენდნენ, ვერანაირი დასაბუთება ვერ მივიღე ვერც დღეს იმისა, საერთოდ რა მონაწილეობა მქონდა ან რატომ უნდა ვყოფილიყავი დაკითხული და საერთოდ რა შუაში ვიყავი მე. გამაცნეს ინფორმაცია, რომ ჩემი სატელეფონო მოსმენა მიმდინარეობდა, ფარული მიყურადება ხორციელდებოდა.
მე მითხრეს რომ მოსმენის შედეგად არაფერი მნიშვნელოვანი არ იყო და შესაბამისად ეს მონაცემები განადგურებულია“,-განაცხადა ჯანაშიამ.
მონიკა დავლიანიძე