კომენტარი
შევხვდებით „ქართულ ოცნებას“, თუ ამისი სურვილი მათი მხრიდან იქნება –ფიქრია ჩიხრაძე
პრეზიდენტის პოლიტიკური მრჩევლის, ფიქრია ჩიხრაძის განცხადებით, კონსტიტუცია ქვეყნისთვის იმდენად მნიშვნელოვანი რამეა, რომ პრეზიდენტი მზად არის „ქართულ ოცნებას“ შეხვდეს, თუ მათ ამის სურვილი ექნებათ.
ამის შესახებ ჩიხრაძემ ჟურნალისტებს პრეზიდენტისა და ოპოზიციის შეხვედრის დასრულების შემდეგ განუცახდა.
ფიქრია ჩიხრაძის თქმით, გიორგი მარგველაშვილი საკონსტიტუციო ცვლილებებთან დაკავშირებით ოპოზიციასთან კონსულტაციებს გააგრძელებს.
„ვეტოს ითხოვს პოლიტიკური ოპოზიცია და ვეტოს ითხოვს ასევე „ქართული ოცნება“. შესაძლოა, საკითხების ნუსხა განსხვავებული იყოს, მაგრამ არის საკითხები, რომლებიც ორივე მხარის მოთხოვნებში ფიგურირებს. ჩვენ ცხადია, შევხვდებით „ქართულ ოცნებას“, თუ ამისი სურვილი მათი მხრიდან იქნება. მოვისმენთ მათ მოსაზრებებს, როგორ წარმოუდგენიათ ეს პროცესი.
ამავე დროს ოპოზიციურ პოლიტიკურ ძალებთან დიალოგს გავაგრძელებთ. კონსტიტუცია იმდენად მნიშნელოვანი რამ არის ქართული სახელმწიფოსათვის, ჩვენი პოლიტიკური სტაბილურობისათვის, რომ მზად ვართ ყველანაირი ინსტრუმენტი, ყველანაირი შანსი ამისთვსი იქნას გამოყენებული“,–განაცხადა ფიქრია ჩიხრაძემ.
მონიკა დავლიანიძე