სამართალი

სმიტების ოჯახის მკვლელობაში ბრალდებული მალხაზ კობაური ხელახალი ექსპერტიზის ჩატარებას ითხოვს

ხადას ხეობაში სმიტების ოჯახის მკვლელობაში ბრალდებულმა მწყემსმა, მალხაზ კობაურმა ხელახალი ექსპერტიზის ჩატარება მოითხოვა. მისი ადვოკატების თქმით, ისინი სავარაუდოდ, კვირის ბოლომდე მოითხოვენ, რომ მას დამოუკიდებელი ექსპერტების, ექიმებისა და ფსიქოლოგების მონაწილეობით ჩაუტარდეს კომპლექსური ექსპერტიზა.

ადვოკატებმა ასევე ისაუბრეს სამქეში არსებულ ბუნდოვანებაზე. ისინი აგრეთვე არ ეთანხმებიან მოკლული ლორა სმიტის გაუპატიურებასთან დაკავშირებით ჩატარებული ექსპერტიზის დასკვნას.

„ექსპერტიზის პასუხი არ შეესაბამება რეალობას, აქედან გამომდინარე, ჩვენ უნდა დავუპირისპიროთ საპირწონე არგუმენტი , ასევე ექსპერტიზის დასკვნა.

კობაურის დაჟინებული მოთხოვნაა, რომ მას ექსპერტიზა ჩაუტარდეს,სადაც კვლევაზე პასუხი იქნება გაცემული, რამდენად შეუძლია მას სექსუალური აქტის განხორციელება“ -განაცხადა კობაურის ადვოკატმა ალექსანდრე კობაიძემ.