სამართალი

სმიტების ოჯახის მკვლელობაში ბრალდებულის სასამართლო პროცესი დაიხურა

სმიტების ოჯახის მკვლელობაში ბრალდებულ მალხაზ კობაურის სასამართლო პროცესი დაიხურა.

როგორც მოსამართლემ აღნიშნა, მისი გადაწყვეტილების მიზეზი საქმეში არსებული სქესობრივი დანაშაულის ნიშნები და არასრულწლოვნის გარდაცვალებაა.

მცხეთის რაიონულ სასამართლოში მალხაზ კობაურის სასამართლო პროცესზე დაცვის მხარე აღკვეთის ღონისძიების შეცვლას მოითხოვს.

ცნობისთვის, 19 წლის მალხაზ კობაურს განსაკუთრებული სისასტიკით ჩადენილი განზრახ მკვლელობა ედება ბრალად. კერძოდ, ბრალად ედება ხადას ხეობაში ამერიკისა და საქართველოს ორმაგი მოქალაქეების, რაიან და ლორა სმიტებისა და მათ ოთხი წლის შვილის მკვლელობა.

ბრალის დამტკიცების შემთხვევაში მალხაზ კობაურს 16-დან 20 წლამდე ან უვადოდ თავისუფლების აღკვეთა ემუქრება.