უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
არქივი
მსოფლიო
სომხეთში მიმდინარე საპროტესტო აქციების ლიდერი ნიკოლ პაშინიანი ქვეყნის პრეზიდენტს შეხვდა
სომხეთის საპარლამენტო ოპოზიციური ფრაქცია „ელქისა“ და პარტია „სამოქალაქო თანხმობის“ ლიდერმა ნიკოლ პაშინიანმა განაცხადა, რომ გუშინ საღამოს შეხვდა ქვეყნის პრეზიდენტ არმენ სარქისიანს.
პაშინიანის ინფორმაციით, მათ განიხილეს სომხეთში შექმნილი სიტუაცია და მისი მოგვარების გზები.
ოპოზიციონერმა ლიდერმა დაამატა, რომ პრეზიდენტმა თან მოიტანა დოკუმენტი, რომელიც ამტკიცებს, რომ სარქისიანმა დაკარგა დიდი ბრიტანეთის მოქალაქეობა 2011 წლის დეკემბერში.
გარდა ამისა, პაშინიანი გუშინ შეხვდა პარტია „დაშნაკცუტუნის“ წარმომადგენელ არსენ ამბარცუმიანსა და საპარლამენტო ფრაქცია „დაშნაკცუტუნის“ თავმჯდომარეს არმენ რუსტამიანს.
ცნობისთვის, „დაშნაკცუტუნმა“ მმართველი ფრაქცია დატოვა საპროტესტო აქციების გამო.
13 აპრილს დაწყებული აქციების გამო პრემიერის პოსტი დატოვა სომხეთის ექს-პრეზიდენტმა სერჟ სარგსიანმა.
დღეს ერევანში აქციები არ გაიმართება. ნიკოლ პაშინიანის თქმით, ერევნელმა აქტივისტებმა ერთი-ორი დღე უნდა შეისვენონ. მიუხედავად ამისა, საინიციატივო ჯგუფი „ჩემი ნაბიჯი“, რომელიც გამოდის მმართველი რესპუბლიკური პარტიის ხელისუფლებაში დარჩენის წინააღმდეგ, მიტინგს გამართავს ქალაქ გიუმრიში, სადაც მდებარეობს რუსული სამხედრო ბაზა.