უკან
მსოფლიო
16 მაისი, 2017 17:30
სრული უფლება მაქვს, რუსეთს ინფორმაცია გავუზიარო - დონალდ ტრამპი
ამერიკის პრეზიდენტის, დონალდ ტრამპის განცხადებით, მას სრული უფლება აქვს „ისლამურ სახელმწიფოსთან“ ბრძოლის გამო, კონფიდენციალური ინფორმაცია გაუზიაროს რუსეთს.
„როგორც პრეზიდენტს, ვისურვებდი რუსეთს გავუზიარო ფაქტები ტერორიზმთან და უსაფრთხოებასთან დაკავშირებით. მე ამის სრული უფლება მაქვს“,- ასე უპასუხა ტრამპმა Twitter-ის პირად გვერდზე Washington Post - ში გამოქვეყნებულ სტატიას.
გაზეთის მტკიცებით, ამერიკის შეერთებული შტატების პრეზიდენტმა, რუსეთის საგარეო საქმეთა მინისტრ სერგეი ლავროვთან შეხვედრაზე მკაცრად გასაიდუმლოებული სადაზვერვო ინფორმაცია გაამჟღავნა, რამაც საფრთხის ქვეშ დააყენა უმნიშვნელოვანესი წყარო, რომელიც დაზვერვას "ისლამური სახელმწიფოს" შესახებ ინფორმაციას აწვდიდა.
თეთრი სახლი Washington Post-ის სტატიას, სიცრუეს უწოდებს.
მონიკა დავლიანიძე