უკან

უახლესი ამბები

დღის კალენდარი

ანონსები

არქივი

კომენტარი

18 ივნისი, 2018 14:20
font-size

სუს-ის ფუნქციები მნიშვნელოვნად არის გადასახედი - სოფო ვერძეული

„ადამიანის უფლებების სწავლების და მონიტორინგის ცენტრის“ (EMC) მართლმსაჯულების და დემოკრატიის პროგრამის დირექტორი სოფო ვერძეული ამბობს, რომ სუს-ის ფუნქციები მნიშვნელოვნად არის გადასახედი.

მისი თქმით, პოლიტიკური ნეიტრალიტეტის გაზრდის მიზნით ორგანიზაციას აქვს გარკვეული რეკომენდაციები.

„სუს-ის ხელში დღეს თავმოყრილია ჭარბი კომპეტენცია. ის ფლობს ისეთ ფუნქციებს, როგორიცაა დანაშაულის და კორუფციული ფაქტების გამოძიება, რაც არის სრულიად შეუთავსებელი უსაფრთხოების სამსახურის ბუნებასთან, მის ანალიტიკურ საქმიანობასთან, რომელსაც ის რეალურად უნდა ეწეოდეს. პრაქტიკულად არ არსებობს ეფექტიანი საპარლამენტო კონტროლის ან სხვა ფორმით კონტროლის მექანიზმი. ამდენად, ერთ-ერთი ყველაზე დახურული და ფართო უფლებამოსილებების მქონე უწყება ფაქტობრივად დარჩენილია სათანადო სასამართლო თუ საპარლამენტო კონტროლის გარეშე, რაც სერიოზული პრობლემაა.

რაც შეეხება რეკომენდაციებს, პირველ რიგში პოლიტიკური ნეიტრალიტეტის გაზრდის მიზნით, საჭიროა უსაფრთხოების სამსახურის ხელმძღვანელის თანამდებობაზე დანიშვნის და გათავისუფლების პროცედურის რეფორმა, რათა ეს არ იყოს ერთპიროვნულდ მხოლოდ საპარლამენტო უმრავლესობის გადაწყვეტილების საგანი. ასევე ვფიქრობთ, მნიშვნელოვნად არის გადასახედი სუს-ის ფუნქციები. მას არ უნდა ჰქონდეს საგამოძიებო ფუნქცია ისევე როგორც არ უნდა ფლობდეს დროებითი მოთავსების იზოლატორს, არ უნდა ჰქონდეს პირების დაკავების უფლებამოსილება. საპარლამენტო კონტროლის ნაწილში შესაქმნელია ექსპერტთა დამოუკიდებელი ჯგუფი, რომელიც მუდმივმოქმედ რეჟიმში განახორციელებს სუს-ის საქმიანობის კონტროლს და რომელიც დაცლილი იქნება პოლიტიკური მონაწილეობისგან. სასამართლო კონტროლის ნაწილში ვფიქრობთ, რომ დღეს არსებული პრობლემა რომლის მიხედვითაც, სუს-ს შეუძლია კონტრდაზვერვის ფარგლებში, სასამართლო ნებართვის გარეშე ფარულად მოისმინოს და გადაიღოს ფოტო- აუდიო მასალა, არის კონსტიტუციასთან შეუსაბამო“, -განაცხადა სოფო ვერძეულმა.

რომ ვთქვა, რომ ირმა ინაშვილი და ემზარ კვიციანი არიან სახელმწიფოს ძირგამომთხრელი საქმიანობით დაკავებული, ვცდები?- ნიკა მელია გადაცემა `რეაქცია` (ვიდეო)

14 დეკემბერი, 2018 , 14:27

რომ ვთქვა, რომ ირმა ინაშვილი და ემზარ კვიციანი არიან სახელმწიფოს ძირგამომთხრელი საქმიანობით დაკავებული, ვცდები? - ნიკა მელია გადაცემა "რეაქციაში"