კომენტარი

თალაკვაძის განცხადება ისე არ უნდა აღქმულიყო - მამუკა მდინარაძე

საპარლამენტო ფრაქცია „ქართული ოცნების“ თავმჯდომარემ მამუკა მდინარაძემ კომენტარი გააკეთა თავისი თანაგუნდელის, არჩილ თალაკვაძის განცხადებაზე „რუსთავი 2“-ის საქმესთან დაკავშირებით, რომლის მიხედვით, „გარკვეულ პოლიტიკურ ჯგუფებს შორის შეინიშნება სიხარული, რომელიც მომავალ თვეში დასრულდება“.

მამუკა მდინარაძის თქმით, თალაკვაძის გამონათქვამს არასწორი ინტერპრეტირება მისცეს.

„მსგავსი ინფორმაცია მომავალ თვეში დასრულდება თუ არა, არ არსებობს. დარწმუნებული ვარ ზუსტად ასე არ უნდა აღქმულიყო ეს განცხადება. მგონია, რომ თქვენი ინტერპრეტაციაა. თუმცა გამომდინარე იქედან, რომ სახელმწიფოს წარმოადგენს იუსტიციის სამინისტრო და თვის ბოლომდეა ვადა როდესაც დასაშვებობის საკითხი უნდა გადაწყდეს, შესაძლებელია იყოს ამაზე საუბარი“,-განაცხადა მამუკა მდინარაძემ.

ანა მებურიშვილი