მსოფლიო

თანამდებობაზე რომ ვყოფილიყავი, ყირიმის ანექსიას არ დავუშვებდი, მაგრამ ობამამ დაუშვა - დონალდ ტრამპი

აშშ-ის პრეზიდენტმა, დონალდ ტრამპმა განაცხადა, რომ 16 ივლისს, რუსეთის პრეზიდენტ ვლადიმერ პუტინთან შეხვედრაზე უკრაინაზე ისაუბრებს.

„ორშაბათს პრეზიდენტ პუტინს შევხდები და ვილაპარაკებთ სირიაზე, ვისაუბრებ არჩევნებში ჩარევაზე [რუსეთის მიერ აშშ-ის საპრეზიდენტო არჩევნებში ჩარევაზე], სხვადასხვა საკითხზე ვისაუბრებთ, უკრაინაზეც... საინტერესო იქნება იმის მოსმენა, რას მეტყვის.. მან შეიძლება, უარყოს, შეიძლება თქვას, რომ „მე ეს არ გამიკეთებია“. მე კი შემიძლია, ვუთხრა „ეს აღარ ქნა““, -დასძინა ტრამპმა ბრიუსელში, ნატოს სამიტზე.

ტრამპმა თავისი წინამორბედი, აშშ-ის ყოფილი პრეზიდენტი ბარაკ ობამა კიდევ ერთხელ დაადანაშაულა იმაში, რომ მან დაუშვა ყირიმის ნახევარკუნძულის ანექსია. მას ჰკითხეს, კომენტარი გაეკეთებინა ყირიმის ანექსიის აღირების შესაძლებლობაზე.

„ეს საინტერესო კითხვაა, რადგან იმაზე ბევრად ადრე, სანამ ამ თანამდებობაზე მოვხდებოდი, პრეზიდენტმა ობამამ ეს [რუსეთის მიერ ყირიმის ანექსია] დაუშვა. ეს იყო მისი თანამდებობაზე ყოფნის დროს. ფაქტობრივად ისინი აშენებენ ხიდს ყირიმში, გახსნეს დიდი ხიდი, ააშენეს ნავსადგური წყალქვეშა ნავებისთვის. ეს იყო ბარაკ ობამას მმართველობის დროს. ამას არ დავუშვებდი, თანამდებობაზე რომ ვყოფილიყავი, მაგრამ მან დაუშვა. ამჟამინდელი წერტილიდან რა მოუვა ყირიმს - არ ვიცი, მაგრამ კმაყოფილი ვარ იმით, რაც ხდება. მაგრამ ეს ობამას პასუხისმგებლობაა“, -აღნიშნა ტრამპმა.