საზოგადოება

“თავისუფალმა საქართველომ” ავჭალაში მრავალსართულიანი კორპუსის მშენებლობა შეაჩერა

9 ივნისს თბილისის მერიაში ავჭალაში მრავალსართულიანი კორპუსის მშენებლობის საკითხზე საჩივრის განხილვა გაიმართა.

“თავისუფალი საქართველოს” ინიციატივით კორპუსის მშენებლობით დაზარალებული მოქალაქეები თბილისის მერთან შეხვედრას მოითხოვენ.

როგორც პარტიაში აცხადებენ, მათ მოახერხეს და მოსახლეობა პროექტის შეთანხმების პროცესში დაინტერესებულ მხარედ ჩაერთო.

ამ ეტაპზე, მოსახლეობის თანხმობის გარეშე მრავალსართულიანი კორპუსის მშენებლობა შეჩერებულია.

,,მიგვაჩნია, რომ “ქართული ოცნების” ადმინისტრაციის პირობებში (ისევე როგორც წინა და იმის წინა ხელისუფლების დროს) თბილისის იერსახე ეწირება ვიწრო ჯგუფების კორუფციულ ინტერესებს და ჩვენი დედაქალაქი გავსო ბეტონის მახინჯი კონსტრუქციებით.

ყველა უბნის მცხოვრებლებს, რომლებიც ეწინააღმდეგებიან მათ საცხოვრებლებთან მრავალსართულიანი კორპუსების მშენებლობას, “თავისუფალი საქართველო” უსასყიდლო სამართლებრივ დახმარებას აღმოუჩენს’’, - აცხადებენ ,,თავისუფალ საქართველოში’’