უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
სამართალი
ტელეკომპანია ,,იბერიას’’ დახურვისა და სამაუწყებლო ლიცენზიის ჩამორთმევის საქმეზე სასამართლო განხილვა გრძელდება
თბილისის საქალაქო სასამართლოში ტელეკომპანია ,,იბერიას’’ სამაუწყებლო ლიცენზიის იძულებით დათმობის საქმეზე პროცესი ბრალდების მხარის მტკიცებულებათა გამოკვლევით განახლდა.
დღევანდელ სხდომაზე ბრალდების მხარის მოწმე, საქმეში დაზარალებულად ცნობილი კომპანიის წარმომადგენელი, მარიამ ჯაფარიძე დაიკითხა, რომელიც 2006 წლიდან ასრულებს ტელეკომპანია ,,იბერიას“ გენერალური დირექტორის მოვალეობას.
როგორც მოწმემ აღნიშნა, 2004 წელს, ,,ომეგა ჯგუფში“ შემავალ კომპანიებში შეჭრის, მათი ფუნქციონირების შეჩერებისა და იბერია ტვ-ს სამაუწყებლო ლიცენზიის იძულებით ჩამორთმევის დროს ის ,,ომეგა ჯგუფის“ თანამშრომელი იყო და მიმდინარე მოვლენების უშუალო მომსწრე.
მარიამ ჯაფარიძემ სასამართლოსთვის ჩვენების მიცემისას ყურადღება გაამახვილა იმ გარემოებაზე, რომ ცნობილი მოვლენების შედეგად ტელეკომპანია ,,იბერიას“ მიადგა როგორც მატერიალური, ისე მორალური ზიანი.
,,პირველ რიგში, ეს იყო მატერიალური ზიანი. შედეგად კომპანიას მიადგა მილიონზე მეტი ზარალი. ასევე, მატერიალურთან ერთად ეს იყო, მორალური ზიანიც, რადგან ასობით ჩვენი თანამშრომელი დარჩა უმუშევარი“, - განაცხადა მარიამ ჯაფარიძემ.
საქმის განხილვა თბილისის საქალაქო სასამართლოში 2 მაისს, 12:30 საათზე განახლდება.
შეგახსენებთ, რომ პროკურატურამ ტელეკომპანია ,,იბერიას’’ დახურვისა და სამაუწყებლო ლიცენზიის ჩამორთმევის საქმე 2016 წლის თებერვალში გახსნა. უწყების ინფორმაციით, აღნიშნულ ფაქტთან დაკავშირებით ყოფილი გენერალური პროკურორი ზურაბ ადეიშვილი და მისი პირველი მოადგილე გიორგი ლაცაბიძე სისხლის სამართლის პასუხისგებაში მიეცნენ.