მსოფლიო

ტერეზა მეიმ სირიისკენ ბრიტანული წყალქვეშა ნავების გაგზავნის გადაწყვეტილება მიიღო - The Telegraph

დიდი ბრიტანეთის პრემიერ-მინისტრმა ტერეზა მეიმ სირიისკენ ბრიტანული წყალქვეშა ნავების გაგზავნის გადაწყვეტილება მიიღო. ამის შესახებ The Telegraph-ი წერს.

გამოცემის ინფორმაციით, მთავრობა მეის, სავარაუდოდ, მხარს დაუჭერს და ბრიტანეთი შეუერთდება აშშ-ს მიერ განხორციელებულ ავიადარტყმებს ბაშარ ალ-ასადის რეჟიმის წინააღმდეგ. წყაროების მტკიცებით, საბოლოო გადაწყვეტილების მისაღებად ლონდონმა უნდა გააგრძელოს მოლაპარაკებები აშშ-სთან და საფრანგეთთან.

The Telegraph-ის ცნობით, შაბათს სირიის ქალაქ დუმაზე განხორციელებული ქიმიური თავდასხმის გამო მეიმ 12 აპრილს მთავრობის საგანგებო სხდომა მოიწვია ლონდონის ოფიციალურ პასუხზე სამსჯელოდ.