პოლიტიკა

ტრამპის მიერ ხელმოწერილი დოკუმენტი ხელს შეუწყობს საქართველოს ოკუპირებული ტერიტორიების არაღიარების პოლიტიკას - ირაკლი კობახიძე

საქართველოს პარლამენტის თავმჯდომარე, ირაკლი კობახიძე აშშ-ის პრეზიდენტის, დონალდ ტრამპის მიერ ხელმოწერილ დოკუმენტს გამოეხმაურა. კობახიძის შეფასებით, აშშ-ის საბიუჯეტო კანონის ერთ-ერთი თავი, რომლის მიხედვით, ყველა იმ ქვეყანას შეეზღუდებათ ამერიკის დაფინანსება, რომელიც საქართველოს ოკუპირებულ ტერიტორიებს აღიარებს, არის უპრეცედენტო.

კობახიძემ აღნიშნა, რომ ეს თავი ადასტურებს ამერიკის საქართველოს სუვერენიტეტისა და ტერიტორიული მთლიანობის მიმართ უპრეცედეტო მხარდაჭერას, რაც ხელს შეუწყობს არაღიარების პოლიტიკის განხორციელებას.

გარდა ამისა, მან თქვა, რომ ამერიკამ უკვე საკანონმდებლო დონეზე აღიარებს რუსეთის მიერ საქართველოს ტერიტორიების ოკუპაციას.

აღნიშნული თავი სახელად „საქართველოს ტერიტორიების - აფხაზეთისა და ცხინვალის რეგიონის ოკუპაცია“ შედის 2017 წლის კონსოლიდირებული ასიგნების აქტში. დოკუმენტი ავალდებულებს აშშ-ის სახელმწიფო მდივანს, 90 დღის ვადაში მოხსენება გააკეთოს რუსეთის მიერ ოკუპირებულ აფხაზეთისა და ცხინვალის რეგიონებში განხორციელებულ ქმედებებზე,

ანა მებურიშვილი