უკან
მსოფლიო
23 ოქტომბერი, 2018 16:35
ტრამპის მრჩეველი ჯონ ბოლტონი და ვლადიმერ პუტინი რეგიონულ კონფლიქტებზე ისაუბრებენ - დმიტრი პესკოვი
რუსეთის პრეზიდენტი ვლადიმერ პუტინი აშშ-ის პირველი პირის, დონალდ ტრამპის მრჩეველ ჯონ ბოლტონთან სირიას, ორმხრივ ურთიერთობებს, რეგიონულ კონფლიქტებსა და სტრატეგიული უსაფრთხოების საკითხს განიხილავს. ამის შესახებ პუტინის პრესმდივანმა დიმიტრი პესკოვმა ისაუბრა.
ჯონ ბოლტონი მოსკოვში 22 ოქტომბერს ჩავიდა. ის უკვე შეხვდა რუსეთის უშიშროების საბჭოს მდივან ნიკოლაი პატრუშევსა და საგარეო საქმეთა მინისტრ სერგეი ლავროვს. გარდა ამისა, მოლაპარაკებები გამართა რუსეთის თავდაცვის მინისტრ სერგეი შოიგუსთან.
როგორც შოიგუმ შეხვედრაზე განაცხადა, ვაშინგტონსა და რუსეთს შორის ურთიერთობების გაუმჯობესება აუცილებელია.
ტრამპის მრჩევლის შეხვედრა პუტინთან დღის მეორე ნახევარშია დაგეგმილი.