უკან

უახლესი ამბები

დღის კალენდარი

ანონსები

არქივი

მსოფლიო

12 ივნისი, 2018 12:25
font-size

ტრამპისა და კიმ ჩენ ინის 4-პუნქტიანი დეკლარაციის შინაარსი ცნობილი გახდა

ისტორიულ სამიტზე, რომელიც აშშ-ის პრეზიდენტ დონალდ ტრამპსა და ჩრდილოეთ კორეის ლიდერ კიმ ჩენ ინს შორის გაიმართა სინგაპურის კუნძულ სენტოსაზე, მხარეებმა 4-პუნქტიანი შეთანხმებას ხელი მოაწერეს. BBC-მ ინფორმაცია გაავრცელა, უშუალოდ, რას შეიცავს აღნიშნული დოკუმენტი.

აშშ და კორეის სახალხო დემოკრატიული რესპუბლიკა დაამყარებენ ახალ ურთიერთობებს, რომელიც დაფუძნებულია ორივე ქვეყნის მოსახლეობის მშვიდობისა და აყვავების სურვილზე.

ორივე ქვეყანა გააერთიანებს ძალისხმევას , რათა კორეის ნახევარკუნძულზე მყარი და მშვიდობიანი რეჟიმი იყოს დამყარებული.

აღნიშნული შეთანხმება ადასტურებს ჩრდილოეთ და სამხრეთ კორეებს შორის 27 აპრილს პანმუნჯომში ხელმოწერილ დეკლარაციას, რომელიც ავალდებულებს ფხენიანს, უზრუნველყოს კორეის ნახევარკუნძულის სრული ბირთვული განიარაღება.

აშშ და ჩრდილოეთ კორეა ვალდებული არიან, საჭირო სამუშაოები ჩაატარონ სამხედრო ტყვეების ნეშტების საძიებლად, რაც ითვალისწინებს უკვე იდენტიფიცირებულების დაუყოვნებლივ რეპატრიაციას.

აშშ-სა და ჩრდილოეთ კორეის პირველ პირებს შორის გამართულ ისტორიულ სამიტზე ჩრდილოეთ კორეის ბირთვული განიარაღების შესახებ ისაუბრეს.

შეხვედრა 5-ვარსკვლავიან სასტუმრო Capella-ში გაიმართა. სამიტის დაწყებამდე ტრამპმა და კიმ ჩენ ინმა ხელი ჩამოართვეს ერთმანეთს.

ტრამპმა შეხვედრის დაწყებამდე განაცხადა, რომ მოლაპარაკებების წარმატებულად დასრულებაში ეჭვი არ ეპარება, ხოლო ფხენიანსა და ვაშინგტონს შორის „გადასარევი“ ურთიერთობები ჩამოყალიბდება. კიმ ჩენ ინმა, თავის მხრივ, აღნიშნა, რომ ბევრი დაბრკოლების გადალახვა მოუწიათ, რათა შეხვედრა შემდგარიყო.

პირისპირ შეხვედრის შემდეგ მხარეებმა შეთანხმებას ხელი მოაწერეს.

საბოლოო გადაწყვეტილება სამიტის ჩატარების შესახებ დონალდ ტრამპმა 1-ელ ივნისს მიიღო. მანამდე, 24 მაისს მან შეხვედრა გააუქმა, თუმცა ორი დღის შემდეგ კვლავ განაახლა მოლაპარაკებები ფხენიანთან.

დაძაბულობა აშშ-სა და ჩრდილოეთ კორეას შორის, რომელმაც კითხვის ნიშნის ქვეშ დააყენა ტრამპისა და კიმ ჩენ ინის შეხვედრა, გამოიწვია ეროვნული უსაფრთხოების საკითხებში აშშ-ის პრეზიდენტის მრჩევლის, ჯონ ბოლტონის განცხადებამ, რომ ჩრდილოეთ კორეა დენუკლერიზაციის პროცესში „ლიბიურ მოდელს“ უნდა მიჰყვეს.

2003 წელს ლიბიის მაშინდელი პრეზიდენტი მუამარ კადაფი დასავლეთს ბირთვული პროგრამის გაუქმებას დათანხმდა სანქციების მოხსნის სანაცვლოდ. 8 წლის შემდეგ პროდასავლურმა მეამბოხეებმა კადაფი მოკლეს.

ჩრდილოეთ კორეის უკმაყოფილება ასევე გამოიწვია აშშ-ისა და სამხრეთ კორეის ერთობლივმა სამხედრო სწავლებამ სახელწოდებით „Max Thunder“.

ლევან დავითაშვილი ბერლინში მინისტერიალს დაესწრო

22 იანვარი, 2019 , 12:54

საქართველო გარემოს დაცვისა და სოფლის მეურნეობის მინისტრმა, ლევან დავითაშვილმა ბერლინში ყოველწლიურ გლობალურ ფორუმში მიიღო მონაწილეობა, რომელსაც მსოფლიოს სხვადასხვა ქვეყნის 80-მდე სოფლის მეურნეობის მინისტრი და საერთაშორისო

ისრაელმა სირიაში განთავსებული ირანელი სამხედროების წინააღმდეგ სარაკეტო დაბომბვა განახორციელა

21 იანვარი, 2019 , 10:24

ისრაელმა სირიის დედაქალაქში განთავსებული ირანელი სამხედროების წინააღმდეგ მასშტაბური სარაკეტო დაბომბვა განახორციელა. სააგენტო Reuters-ის ინფორმაციაზე დაყრდნობით პირველი არხი იტყობინება, რომ სხვადასხვა მიმართულებიდან მართვ

კედელი `მეოცნებეების` სანაცვლოდ - ტრამპი დემოკრატებს შეთანხმებას სთავაზობს

20 იანვარი, 2019 , 13:19

ამერიკის პრეზიდენტმა დონალდ ტრამპმა თეთრ სახლში სპეციალური ბრიფინგი გამართა და მთავრობის მუშაობის სრულად აღსადგენად საკუთარი გეგმა წარმოადგინა. ის კვლავ მოითხოვს მექსიკასთან სასაზღვრო კედლისთვის საჭირო თანხების გამოყოფას

გერმანია საქართველოს მოქალაქეებს თავშესაფარს აღარ მისცემს

19 იანვარი, 2019 , 14:12

გერმანიიის ქვედა პალატამ, ბუნდესტაგმა, პარასკევს უსაფრთხო ქვეყნებად გამოაცხადა საქართველო, ტუნისი, მაროკო და ალჟირი და მხარი არ დაუჭირა შუამდგომლობას აღნიშნული ქვეყნების მოქალაქეებისათვის თავშესაფრის მიცემის თაობაზე, - ი

ლაიფციგის აეროპორტიდან საქართველოს 62 მოქალაქის დეპორტაცია განხორციელდა

18 იანვარი, 2019 , 10:10

გერმანიიდან საქართველოს 62 მოქალაქის დეპორტაცია განხორციელდა, – ამის შესახებ გერმანული მედია წერს. მათივე ინფორმაციით, ავიარეისი ლაიფციგის აეროპორტიდან შესრულდა. როგორც გერმანული პრესა წერს, დეპორტირებულთაგან 26 თა

აშშ-ის საელჩო ქართველ ხალხს თანაგრძნობას უცხადებს

17 იანვარი, 2019 , 17:05

საქართველოში ამერიკის შეერთებული შტატების საელჩო დიდ დიღომში მომხდარი ტრაგედიის გამო ქართველ ხალხს თანაგრძნობას უცხადებს. „ამერიკის შეერთებული შტატების საელჩო თანაუგრძნობს ქართველ ხალხს 16 იანვარს დიდ დიღომში მომხდ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`