საზოგადოება

„ცენტრ-პოინტისგან“ დაზარალებულები მთავრობას კომპანიის დროებითი მმართველის დანიშვნას სთხოვენ

დღეს თბილისის საქალაქო სასამართლოსთან სამშენებლო კომპანია „ცენტრ-პოინტისგან“ დაზარალებულებმა აქცია გამართეს.

როგორც პროტესტის მონაწილეებმა განაცხადეს, დაცვის მხარე ხელოვნურად აჭიანურებს „ცენტრ-პოინტის“ საქმეს. დაზარალებულები ხელისუფლებას მიმართავენ, რომ საქმეში ჩაერიოს და დანიშნოს კომპანიის დროებითი მმართველი. აქციის მონაწილეთა აზრით, დროებითი მმართველი დაყადაღებული ქონების გაყიდვით მათ ზარალს აუნაზღაურებს და უზრუნველყოფს შეჩერებული მშენებლობების დასრულებას.

ამ წუთებში „ცენტრ-პოინტის“ საქმეზე არსებითი განხილვა მიმდინარეობს, რომელზეც უნდა დაიკითხონ დაცვის მხარის მოწმეები.

ანა მებურიშვილი