უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
არქივი
საზოგადოება
წყნეთის ქუჩის მცხოვრებლებმა ვერეს ხეობაში მრავალსართულიანი კორპუსის მშენებლობა გააპროტესტეს
თბილისში წყნეთის ქუჩის მაცხოვრებლებმა ვერეს ხეობაში მრავალსართულიანი კორპუსის მშენებლობა გააპროტესტეს. ადგილობრივების განცხადებით, აღნიშნული ტერიტორია მეწყერსაშიშ ზონაში მდებარეობს და 13 ივნისის სტიქიის დროს წყლით იყო დაფარული.
ადგილობრივებს საკრებულოს დამოუკიდებელი დეპუტატი, ალეკო ელისაშვილი შეუერთდა. მან განაცხადა, რომ მერია ცდილობს, ქალაქის გენერალური გეგმის დამტკიცებამდე მოასწროს ნებართვების გაცემა. მისი თქმით, ვერეს ხეობაში მშენებლობის დაწყება წყნეთის ქუჩის მაცხოვრებლებს საფრთხეში აგდებს.
„აპრილის ბოლოს უნდა შემოვიდეს საკრებულოში ქალაქის გენერალური გეგმა. მანამდე თბილისის მერიას შეუძლია, მსგავსი ნებართვები გასცეს ისე, რომ აზრი არავის ჰკითხოს. როგორც ჩანს, ბატონი ნარმანია და ხელისუფლება ხვდება, რომ მათ დარჩენილი აქვთ სულ რამდენიმე თვე არჩევნებამდე და ცდილობენ საკუთარი ინტერესების დაკმაყოფილებას და ასეთი უკანონობის განხორციელებას. მიმდებარე ტერიტორიაზე მშენებლობა დაუშვებელია, ვიდრე არ იქნება სპეციალური დასკვნა წარმოდგენილი. ამ ტერიტორიაზე მრავალსართულიანი კორპუსის მშენებლობა საფრთხეს უქმნის მიმდებარე ტერიტორიაზე მცხოვრებ ადამიანებს“, - განაცხადა ალეკო ელისაშვილმა.
ადგილობრივი მოსახლეობის მოთხოვნაა, შეჩერდეს ამ ტერიტორიაზე მშენებლობა, ასევე, რომ წარდგენილი იყოს მშენებლობის ნებართვა და გეოლოგიური დასკვნა.
ანა მებურიშვილი