პოლიტიკა

წლებია, ჯიმ რიში და ჯინ შაჰინი ანტიქართულად განწყობილები არიან. რატომ? „დიფ სთეითის“ წარმომადგენლები არიან ამერიკაში - გურამ მაჭარაშვილი

წლებია, ჯიმ რიში და ჯინ შაჰინი ანტიქართულად განწყობილები არიან. რატომ? „დიფ სთეითის“ წარმომადგენლები არიან ამერიკაში, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.

“ეს ხალხი დონალდ ტრამპს, 70 მილიონ ამერიკელსა და მათ მიერ მიღებულ გადაწყვეტილებას ეწინააღმდეგება. რა გასაკვირია, რომ ეს ხალხი საქართველოს წინააღმდეგ იყოს განწყობილი. ბოლო სამი წელია, ისინი ხმალამოღებით იბრძვიან, რომ საქართველოში მეორე ფრონტი გაიხსნას. ამბობენ, რომ „ნაცმოძრაობა“ ის ხელისუფლება იქნება, ვინც მეორე ფრონტს დაიწყებს. მათ უსამართლო განცხადებებზე აღარ ვსაუბრობთ. სამწუხაროდ, მათ დამოკიდებულებაში გასაკვირი არაფერია, მაგრამ ეს ხალხი, რიშიც და შაჰინიც თავად ტრამპისა და ამერიკელი ხალხის უმეტესობის წინააღმდეგი არიან. გასაკვირი არ არის, რომ ისინი საქართველოს წინააღმდეგ იყვნენ“, – განაცხადა მაჭარაშვილმა.

აშშ-ის სენატის საგარეო ურთიერთობათა კომიტეტის თავმჯდომარემ, ჯიმ რიშმა და კომიტეტის წევრმა, ჯინ შაჰინმა „მეგობარი აქტი“ წარადგინეს. შესაბამისი დოკუმენტი აშშ-ის სენატის საგარეო ურთიერთობათა კომიტეტის გვერდზე გამოქვეყნდა.