კომენტარი

ცოტა გაუგებარია, საერთოდ რატომ ვიყავი დაბარებული, იმიტომ, რომ ძირითადი კითხვები დღეს შეეხებოდა ფაქტობრივად, იმ ინტერვიუს შინაარსის დადასტურებას, რომელიც მე ბიბისის მივეცი - თამარ ონიანი

ძირითადი კითხვები დღეს შეეხებოდა ფაქტობრივად, იმ ინტერვიუს შინაარსის დადასტურებას, რომელიც მე ბიბისის მივეცი, - ამის შესახებ საიას უფლებდამცველმა თამარ ონიანმა გამოკითხვის შემდეგ ისაუბრა.

საქმე ეხება სუს-ში ბიბისის საგამოძიებო რეპორტაჟის შემდეგ დაწყებულ გამოძიებას, რომლის ფარგლებშიც ონიანი მაგისტრი მოსამართლის თანდასწრებით გამოიკითხა.

უფლებადამცველი აღნიშნავს, რომ მისთვის უცნობია, რა ქიმიური ნივთიერაბა იქნა გამოყენებული დემონსტრანტების წინააღმდეგ, რადგან აღნიშნულ კითხვას არც შსს-მ უპასუხა და არც ჯანდაცვის სამინისტროს ჰქონდა რაიმე პასუხი.

„ცოტა გაუგებარია, საერთოდ რატომ ვიყავი დაბარებული, იმიტომ, რომ ძირითადი კითხვები დღეს შეეხებოდა ფაქტობრივად, იმ ინტერვიუს შინაარსის დადასტურებას, რომელიც მე ბიბისის მივეცი. კერძოდ, იმასთან დაკავშირებით, რომ საზოგადოებისთვის უცნობია, რა საშუალებები იქნა გამოყენებული დემონსტრანტების წინააღმდეგ. ამასთან დაკავშირებით საია-მ კეთილსინდისიერად, როგორც პროფესიონალურმა უფლებადაცვითმა ორგანიზაციამ, საჯარო ინფორმაციის გამოსათხოვი წერილით მიმართა, როგორც შსს-ს, ასევე ჯანდაცვის სამინისტროს. ჩვენ შსს-დან პასუხი არ მიგვიღია, ხოლო ჯანდაცვის სამინისტრომ გვაცნობა, რომ ისინი არ ფლობენ ინფორმაციას იმის შესახებ, თუ რა ქიმიური საშუალებები, რა აქტიური სპეციალური საშუალებები იქნა გამოყენებული. ეს ნიშნავს იმას, რომ არც ჩვენ არ ვფლობთ ინფორმაციას, რა საშუალებები იქნა გამოყენებული, ამრიგად, ნიშნავს იმას, რომ საზოგადოებისთვის უცნობია, - თქვა თამარ ონიანმა.