პოლიტიკა

ცოტა ხნით დაელოდოთ, დღის მეორე ნახევარში, აჭარის მთავრობის მხრიდან ახალი ოფიციალური ინფორმაცია გახდება ცნობილი - არჩილ თალაკვაძე

საპარლამენტო უმრავლესობის ლიდერის, არჩილ თალაკვაძის განცხადებით, აჭარის მთავრობასთან დაკავშირებით კონსულტაციები მიმდინარეობდა მმართველ გუნდში. გავრცელებულ ინფორმაციაზე აჭარის მთავრობის თავმჯდომარის, ზურაბ პატარაძის გადადგომის შესახებ თალაკვაძემ თქვა, რომ ყველაფერი გაირკვევა დღის მეორე ნახევარში.

„კონსულტაციები იყო გუნდში ამ საკითხთან დაკავშირებით. გთხოვთ, ცოტა ხნით დაელოდოთ, დღის მეორე ნახევარში, აჭარის მთავრობის მხრიდან ახალი ოფიციალური ინფორმაცია გახდება ცნობილი“, -განაცხადა დეპუტატმა.

მან აღნიშნა, რომ მოგვიანებით გააკეთებს შეფასებას.

„ნუ გავუსწრებთ მოვლენებს“, - დასძინა თალაკვაძემ.