მსოფლიო

თუ პოროშენკოს ორი მოთხოვნა არ შევასრულე, ისინი საქართველოში ჩემს დეპორტაციას მოახდენენ - მიხეილ სააკაშვილი

საქართველოს ექს-პრეზიდენტის, ოდესის ოლქის ყოფილი გუბერნატორის ინფორმაციით, უკრაინის პრეზიდენტი მისგან ორი მოთხოვნის შესრულებას ითხოვს.

წინააღმდეგ შემთხვევაში, სააკაშვილის თქმით, პოროშენკომ მას საქართველოში დეპორტაციით დაემუქრა.

ამის შესახებ სააკაშვილმა Facebook-ში პირად გვერდზე მომხრეებისადმი მიმართვაში თქვა.

სააკაშვილმა ხალხს მოუწოდა 7 ნომებერს საპროტესტო აქციაში მიიღონ მონაწილეობა.

“ორი დღის წინ მოვიდა ადამიანი ამ კაბინეტში და პრეზიდენტ პოროშენკოსგან გადმომცა: პრეზიდნეტი ჩემგან ითხოვს, რომ მე ვაკრიტიკო კონკრეტული პოლიტიკოსები, რომელზედაც ის მიმითითებს და მეორე, რომ მე საერთოდ აღარ ვაკრიტიკო კონკრეტულად თავდაცვის სფეროში არსებული კორუფცია, რადგან ეს პირადად მას ძალიან არ მოსწონს.

ამ მოთხოვნების გაუთვალისწინებლობის შემთხვევაში ისინი მოახდენენ ჩემს დეპორტირებას საქართველოში, სადაც პუტინის ბრძანებით მელოდება ციხე, ასევე უშიშროების სამსახური გამოაგდებს მედიაში ვციტირებ: ,,კომპრომატს, რომელსაც მთელი ამ ხნის მანძილზე ჩემზე აგროვებდნენ“.

მსურს საჯაროდ ვუპასუხო პოროშენკოს და გითხრათ თქვენ, რომ მე რა თქმა უნდა მრცხვენია, რომ უკრაინის პრეზიდნეტი დაკავებულია ყველაზე დაბალი მაფიოზური იაფფასიანი შანტაჟით. მე არ მეშინია არც თქვენი კომპრომატების, არც თქვენი მუქარის და არც ციხით დამუქრების.

მაგრამ უფრო მრცხვენია,რომ პრეზიდენტმა თავდაცვის სფეროს მაყურებლად დააყენა გლატკოვსკი, კორუფციასთან ბრძოლის სააგენტომ რამდნიმე დღის წინ გამოაცხადა, რომ ქარხანა ჯავშანტექნიკას სამჯერ ძვირად ყიდიდა „ლენინის სამჭედლომ“ არმიას შეაჩეჩა უსარგებლო კატერები და ამასთანავე რამოდენიმე დღის წინ წამყვანმა გერმანულმა გაზეთმა “ფრანკფურტერ ალგემაინე ცაითუნგმა“ გამოაქვეყნა გამანადგურებელი სტატია ,,კორუფცია კლავს უკრაინელ სამხედროებს“.

სულ ცოტა ხნის წინ რამდენიმე წამყვანმა ევროპელმა პოლიტიკოსმა მითხრა,რომ მათი ინფორმაციით და აზრით ეს ჯგუფი 30-50% ,,ატკატს“ ყველა სამხედრო შეკვეთიდან იღებს.

ეს ყველაფერი ფაქტებია,რომელიც ბევრისთვის არის ცნობილი-კორუფცია კლავს.-ამ შემთხვევაში ის კლავს უკრაინის დამცველებს და ასუსტებს უკრაინას ამასთან აძლიერებს უკრაინის მტერს - პუტინის რუსეთს.
მე ადამიანი, რომელიც ვიბრძოდი და ვაგრძელებ ბრძოლას პუტინთან და მის სისტემასთან არ გავჩუმდები იმ საკითხებზე, რომელიც აძლიერებს და ახარებს პუტინს“,-აღნიშნა სააკაშვილმა.

მან ხალხს 7 ნოემბერს უმაღლეს რადასთან მისვლისკენ მოუწოდა, რომ „შემდეგ არ შეგვრცხვეს, რომ არ მოვედით და შემდეგ რომ არავის დავაბრალოთ, რომ რაღაც ისე არ წავიდა“.

„მე პირადად ვრისკავ საკუთარი თავისუფლებითა და სიცოცხლით, რადგან ისინი მე მემუქრებიან გასახლებითა და ციხით, პირობებში, რომელსაც პუტინი აკონტროლებს, მაგრამ მე ხელს არ ჩავიქნევ და პოროშენკოსა და პუტინის პირდაპირი მუქარის მიუხედავად ვივლი და ვიბრძოლებ ბოლომდე ყველა კანონიერი საშუალებით, მაგრამ მე მჭირდება თქვენი დახმარება, თქვენს გარეშე არაფერი გამოვა მათ ეშინიათ არა ჩემი, მათ ეშინიათ მხოლოდ თქვენი“,-აღნიშნავს მიხეილ სააკაშვილი.

მონიკა დავლიანიძე