საზოგადოება

თუკი 39 პაციენტი იყო გუშინდელი მდგომარეობით რეანიმაციულ განყოფილებებში, დღევანდელი მდგომარეობით ეს არის 44 პაციენტინ - დავით სერგეენკო

საქართველოს ჯანდაცვის მინისტრ, დავით სერგეენკოს განცხადებით, H1N1 შტამის ვირუსის შემთხვევები შემცირებულია.

სერგეენკოს ინფორმციით, H1N1 შტამით გარდაცვალების 13 ფაქტია დადასტურებული, რაც მისი თქმით, დაგვიანებული მკურნალობის, თანამდევი დაავადებებისა და გართულებების შედეგია.

სერგეენკოს განცხადებით, ბოლო დღეების განმავლობაში შემცირდა გამოძახების შემთხვევებიც და ქვეყანაში არ არსებობს ანტივირუსული პრეპარატებისა და პირბადეების დეფიციტი. მინისტრის ინფორმაციით, ამჟამად რეანიმაციაში 44 პაციენტი მკურნალობს.

„დაავადების რაოდენობები მცირდება, რაოდენობრივად მიდის შემცირებისკენ, რაც ცალსახად პოზიტიურია. თუმცა ის, სადაც განვითარდა გრიპი, დაავადება მიმდინარეობს მძიმედ. ჰოსპიტალიზაციების რაოდენობა გაიზარდა 616-დან 845-მდე და თუკი 39 პაციენტი იყო გუშინდელი მდგომარეობით რეანიმაციულ განყოფილებებში, დღევანდელი მდგომარეობით ეს არის 44 პაციენტი, რაც ნიშნავს იმას, რომ დაავადება არის სერიოზული, მას მნიშვნელოვანი ყურადღება, პრევენცია და მკურნალობა სჭირდება,“- განაცხადა დავით სერგეენკომ.