რეგიონები

ტურისტულ სეზონთან დაკავშირებით ბათუმში მუნიციპალური ტრანსპორტის მუშაობა გახანგრძლივდა

ტურისტულ სეზონთან დაკავშირებით შპს ,,ბათუმის ავტოტრანსპორტი“ მუშაობის ახალ გრაფიკზე გადავიდა.

ბათუმის მუნიციპალიტეტის მერიის ინფორმაციით, 20 ივნისიდან მუნიციპალური ტრანსპორტი მგზავრებს ღამის პირველ საათამდე ემსახურება.

ამასთან ცნობილი გახდა, რომ ბათუმის ავტოტრანსპორტი მუშაობის ახალ სისტემაზე გადავიდა და მგზავრებისთვის უკონტაქტო პლასტიკური ბარათების გამოყენება აუცილებელი ხდება.

N2, N2ა, N12 და N13 ხაზზე მოძრავ ავტობუსებში სამგზავრო ბილეთები აღარ იყიდება. ქალაქის მასშტაბით, 30 სხვადასხვა ადგილას გადახდის აპარატები დაიდგმება, სადაც მოქალაქეები სამგზავრო პლასტიკურ ბარათებს შეიძენენ.