მსოფლიო

თურქეთი ამერიკულ ელექტრონულ პროდუქციას ბოიკოტს გამოუცხადებს - რეჯეფ ტაიფ ერდოღანი

თურქეთის პრეზიდენტის, რეჯეფ ტაიფ ერდოღანის განცხადებით, თურქეთი ბოიკოტს გამოუცხადებს ამერიკულ ელექტრონულ პროდუქციას.

ერდოღანმა აღნიშნა, რომ თურქეთში იმპორტირებული პროდუქციის მაგივრად იქნება წარმოებული უკეთესი ხარისხის ადგილობრივი პროდუქცია, რომლის ექსპორტი მოხდება.

ერდოღანის მტკიცებით, აშშ თურქეთის წინააღმდეგ ეკონომიკურ თავდასხმას ახორციელებს.

„ისინი თავს არ იკავებენ იმისგან, რომ ჩვენ წინააღმდეგ ეკონომიკა იარაღად არ გამოიყენონ, როგორც ამას ცდილობდნენ დიპლომატიაში, სამხედრო სფეროში, ან სოციალური და პოლიტიკური არასტაბილურობის მათი მცდელობები“, - აღნიშნა თურქეთის პრეზიდენტმა.

თურქული ლირა დოლართან მიმართებაში 40%-ზე მეტით გაუფასურდა, რისი მიზეზი გახდა აშშ-ს მიერ თურქულ ალუმინსა და ფოლადზე ტარიფების გაორმაგება.

ორ ქვეყანას შორის დაძაბულობა ამერიკელი პასტორის დაკავებამ გამოიწვია.