მსოფლიო

თურქეთმა, შესაძლოა, აშშ-ს მსგავსად არასამიგრაციო ვიზების გაცემის შეზღუდვა მოხსნას

თურქეთმა, შესაძლოა, ამერიკის მსგავსად არასამიგრაციო ვიზების გაცემის შეზღუდვა ნაწილობრივ მოხსნას.

ამის შესახებ თურქულ გაზეთ Milliyet-ს თურქეთის მთავრობაში საკუთარმა წყარომ განუცხადა.

მანამდე კი, ანკარაში აშშ-ის საელჩომ, თურქეთში არასაიმიგრაციო ვიზების გაცემაზე შეზღუდვა ნაწილობრივ მოხსნა.

„ამგვარი ნაბიჯი ამერიკულმა მხარემ მას შემდეგ გადადგა, რაც თურქეთის რესპუბლიკის მთავრობისგან გარანტიები მიიღო, რომ აშშ-ის დიპლომატიური წარმომადგენლობის ადგილობრივი პერსონალი დაკავებული არ იქნება თავისი ოფიციალური მოვალეობების შესრულების გამო. აშშ შეშფოთებულია დიპლომატიური მისიის ადგილობრივი პერსონალის წინააღმდეგ აღძრული საქმეებით“,-ნათქვამია თურქეთში ამერიკის საელჩს მიერ გავცრელებულ განცხადებაში.

ანკარასა და ვაშინგტონს შორის ურთიერთობა მას შემდეგ დაიძაბა, რაც 4 ოქტომბერს, სტამბოლში აშშ-ის გენერალური საკონსულოს თანამშრომელი, თურქეთის მოქალაქე მეთინ თოფუზი თურქეთის კონსტიტუციის დარღვევისა და თურქეთის მთავრობის დამხობის მცდელობის ბრალდებით დააკავეს.

მონიკა დავლიანიძე