უკან
მსოფლიო
29 დეკემბერი, 2017 11:55
თურქეთში იმ ფოტოგამოფენის ორგანიზატორი დააკავეს, სადაც რუსეთის ელჩი მოკლეს
თურქეთში რუსეთის ელჩის ანდრეი კარლოვის მკვლელობის საქმეზე იმ ფოტოგამოფენის ორგანიზატორი დააკავეს, სადაც დანაშაული მოხდა.
ანკარას პროკურატურის ინფორმაციით, მუსტაფა თიმურ ოზკანს მკვლელობის თანამონაწილეობაში სდებენ ბრალს.
მანამდე რუსეთის ელჩის მკვლელობის თანამონაწილეობის ბრალდებით 4 ადამიანი იყო დაკავებული, აქედან 3 ყოფილი პოლიციელია.
ანდრეი კარლოვი 2016 წლის 19 დეკემბერს ანკარაში გამართულ ფოტოგამოფენაზე სიტყვით გამოსვლის დროს ცეცხლსასროლი იარაღიდან გასროლით მოკლეს. თავდასხმელი პოლიციელი მევლუთ მერთ ალთინტაში აღმოჩნდა, რომელიც სამართალდამცველებმა ადგილზე მოკლეს.
რუსეთის საგარეო უწყებაში მოხდარი მკვლელობა ტერაქტად შერაცხეს.
ანა მებურიშვილი