რეგიონები

თუშეთში ხანძარი ლიკვიდირებულია

თუშეთში, წოვათის ხეობაში, ალპურ ზონაში ხანძარი ლიკვიდირებულია. ამის შესახებ ინფორმაციას საგანგებო სიტუაციების მართვის სამსახური ავრცელებს.

საგანგებო სიტუაციების მართვის სამსახურის ცნობით, ხანძრის შედეგად არავინ დაშავებულა.

თუშეთში ხანძარი გუშინ გაჩნდა.

ხანძრის ქრობის პროცესში ჩართული იყო სასაზღვრო პოლიციის ვერტმფრენი, რომელმაც მეხანძრე-მაშველების ხანძრის გავრცელების ადგილზე გადაყვანა რამდენიმე ეტაპად განახორციელა.