მსოფლიო

უკრაინის გენპროკურატურა ჩემი საქართველოში ექსტრადირებისთვის ემზადება - მიხეილ სააკაშვილი

საქართველოს ყოფილი პრეზიდენტისა და ოდესის ექს-გუბერნატორის, მიხეილ სააკაშვილის განცხადებით, უკრაინის გენერალური პროკურატურა მისი ექსტრადირებისთვის ემზადება. ამის შესახებ მან ფეისბუკის საკუთარ გვერდზე დაწერა.

„ამ დღეებში გენპროკურორმა ლუცენკომ დაიწყო დოკუმენტების მომზადების პროცესი ჩემი დაკავებისა და საქართველოში ექსტრადირებისთვის ჩემი პრეზიდენტობის დროს ჩადენილი ქმედებებისთვის“, - დაწერა სააკაშვილმა.

ოდესის ყოფილი გუბერნატორის თქმით, უკრაინის გენერალური პროკურორი ვლადიმერ პუტინისა და ბიძინა ივანიშვილის დავალებას ასრულებს.

„თუკი, თქვენ [ლუცენკოს] დაგჭირდებათ დამატებითი დეტალები პუტინი/ივანიშვილი/პოროშენკო/ ოლიგარქების დაკვეთის შესასრულებლად, არ მოგერიდოთ, მომმართეთ, დაგეხმარებით ძველი მეგობრობის ხათრით“, - დაწერა საქართველოს ყოფილმა პრეზიდენტმა.

შეგახსენებთ, 24 ოქტომბერს იური ლუცენკომ აცნობა ჟურნალისტებს, რომ უკრაინის საიმიგრაციო სამსახურმა უარი უთხრა სააკაშვილს პოლიტიკური თავშესაფრის მინიჭებაზე.

ანა მებურიშვილი