სამართალი

ვაფრთხილებდით მოსახლეობას, რომ თუ არ მოვიდოდა გუგავა და აირჩევდნენ კალაძეს, მიიღებდნენ გაძვირებულ ქვითრებს - შალვა ნათელაშვილი

თბილისის საქალაქო სასამართლოში სემეკის წინააღმდეგ ლეიბორისტული პარტიის სარჩელის განხილვა გრძელდება.

დღევანდელ პროცესზე პარტიის ადვოკატი დააყენებს შუამდგომლობას, რომ კომისიას უფლებამოსილება შეეზღუდოს. კერძოდ, საუბარია იმაზე, რომ სასამართლო განხილვის პერიოდში სემეკმა კომუნალური ტარიფების გადახედვა და ცვლილება ვერ შეძლოს.

სხდომას ესწრება ლეობორისტული პარტიის ლიდერი შალვა ნათელაშვილიც, რომელმაც პროცესის დაწყებამდე ჟურნალისტებთან კომენტარი გააკეთა.

,,ჩვენ ვაფრთხილებდით მოსახლეობას, რომ თუ არ მოვიდოდა გუგავა და აირჩევდნენ კალაძეს, მიიღებდნენ გაძვირებულ ქვითრებს. ისე აგიხდეთ ყველაფერი კარგი, როგორც ეს ახდა. მიუხედავად ამისა, ჩვენ ბრძოლას ბოლომდე გავაგრძელებთ.

სასამართლო ისტორიას არ ახსოვს პრეცედენტი, როდესაც წინა გაძვირება ჯერ არ განუხილავს სასამართლოს და უკვე ახლიდან იწყებენ გაძვირებას. მთელი პასუხისმგებლობა იმაზე, რაც ხდება და რაც მოხდება, ეკისრება ,,ოცნების“ შემომხაზავ ხალხს“, - განაცხადა შალვა ნათელაშვილმა.

ნინო ექვთიმიშვილი