უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
კომენტარი
ვაშაძე და `ნაციონალური მოძრაობა` იტყუება - მამუკა მდინარაძე
პარლამენტის ფრაქცია „ქართული ოცნების“ თავმჯდომარე, მამუკა მდინარაძე საარჩევნო პროცესთან დაკავშირებით გაერთიანებული ოპოზიციის კრიტიკას პასუხობს და მათ გავრცელებულ კადრებს ეხმაურება.
როგორც მდინარაძემ დღევანდელ ბრიფინგზე განაცხადა, ნაციონალურმა მოძრაობამ ცრუ ვიდეო გაავრცელა, რომელშიც თითქოსდა მარნეულის 21-ე უბნის გარეთ ხდებოდა ხმის მიცემა.
„ქართული ოცნების“ თავმჯდომარის განმარტებით, ხმის მიცემა ხდებოდა არა მარნეულის 21-ე უბნის გარეთ, არამედ ვარა ძიგოშვილის ოჯახში, სადაც გადასატანი ყუთი მიიტანეს.
„ტყუილი ნომერი პირველი, საზოგადოებამ ნახა გიორგი ვაშაძის ბრიფინგი, სადაც მან გამოამზეურა ვიდეო მარნეულიდან და თქვა, რომ საარჩევნო უბანზე ხდებოდა ეს, უბნის გარეთ ხდებოდა ხმის მიცემა, რაც რა თქმა უნდა ძალიან მძიმე დარღვევაა. სინამდვილეში, საუბარია გადასატან ყუთზე. ეს კადრები არ არის ჩაწერილი საარჩევნო უბნის გარეთ, ვაშაძე და "ნაციონალური მოძრაობა" იტყუება. ეს კადრები ჩაწერილი არის ქალბატონი ვარა ძიგოშვილის ოჯახში. გადასატან ყუთს თან ახლდა ენმ-ის წარმომადგენელი ქალბატონი მაია ნასყიდაშვილი, რომელმაც გადაიღო ეს კადრები და ბუნებრივია, იმ ადამიანის ნების შესაბამისად ხდება ხმის მიცემა, როგორც მას უნდა", - განაცხადა მდინარაძემ.
მისივე თქმით, სიცრუეა გაერთიანებული ოპოზიციის მიერ გავრცელებული ინფორმაცია, თითქოს, ყალბი პირადობის მოწმობებით ხმის მიცემის მცდელობა იყო.
„ორივე შემთხვევაში საუბარია, მამა-შვილ ჩაკვეტაძეებზე, და მამა-შვილ შენგელიებზე. ერთ შემთხვევაში, მამა - ზურაბ ჩაკვეტაძე, რომელიც დაბადებულია 1948 წელს და მას ჰყავს შვილი, რომელიც დაბადებულია 1993 წელს, ისიც ზურაბ ჩაკვეტაძეა. ერთ-ერთი მათგანი იყო მისული და ენმ ცდილობს საზოგადოებას მოატყოს, თითქოს მას ჰქონდა ყალბი პირადობის მოწმობა,“ - განაცხადა მდინარაძემ.
მდინარაძე ამბობს, რომ ასევე ტყუილია ის კადრები, რომელიც გაერთიანებულმა ოპოზიციამ ბათუმთან დაკავშირებით გაავრცელა, სადაც თითქოს არჩევნებზე ხმის მიცემის სანაცვლოდ ფულს არიგებენ.
"სამწუხაროდ, აბაშაში დაფიქსირდა მართლაც დარღვევა, რომელიც საკრებულოს დეპუტატმა ჩაიდინა. ვინც არ უნდა იყოს ეს, ჩვენი წარმომადგენელი იქნება თუ სხვისი, უნდა ვთქვათ, რომ ადეკვატურები უნდა ვიყოთ. ეს არის ძალიან მძიმე დარღვევა, ამასთან დაკავშირებით დაიწყო შსს-მ გამოძიება," - განაცხადა მდინარაძემ.