კომენტარი

ვერ ვხედავ ვერც შევჩენკოს განცხადებაში და ვერც მალდინის მიერ კონკრეტული აზრის გამოხატვაში საარჩევნო კამპანიის წესების დარღვევას - თამარ ჟვანია

მე პირადად, ვერ ვხედავ ვერც შევჩენკოს განცხადებაში და ვერც მალდინის მიერ კონკრეტული აზრის გამოხატვაში საარჩევნო კამპანიის წესების დარღვევას და ამ კონკრეტულ შემთხვევებში არანაირად არ შემდგარა ადმინისტრაციული სამართალდარღვევათა ოქმი, - განაცხადა ცესკოს თავმჯდომარე თამარ ჟვანიამ და აღნიშნულით შესაბამის საკითხზე არასამთავრობო ორგანიზაციების შეფასებებს გამოეხმაურა.

მისი თქმით, საფეხბურთო მატჩი არ ყოფილა წინასაარჩევნო მიზნებისთვის ორგანიზებული.

,,ამასთან დაკავშირებით როგორც პოლიტიკურმა პარტიებმა ასევე, არასამთავრობო ორგანიზაციებმა მოგვმართეს. ეს არ იყო წინასაარჩევნო კამპანიის მიზნებისთვის ორგანიზებული ღონისძიება. ადმინისტრაციული რესურსის გამოყენება ან აგიტაცია ხდება მაშინ, როდესაც თვითონ ღონისძიებაა წინასაარჩევნო აგიტაციის მიზნებისთვის ორგანიზებული. ჩვენ ყველას გავეცით შესაბამისი პასუხი. მე პირადად, ვერ ვხედავ ვერც შევჩენკოს განცხადებაში და ვერც მალდინის მიერ კონკრეტული აზრის გამოხატვაში საარჩევნო კამპანიის წესების დარღვევას და ამ კონკრეტულ შემთხვევებში არანაირად არ შემდგარა ადმინისტრაციული სამართალდარღვევათა ოქმი,“ - განაცხადა თამარ ჟვანიამ.

ნინო ექვთიმიშვილი