საზოგადოება

ვფიქრობ, რომ ხვალიდან გაფიცვა შეწყდება - დავით სერგეენკო

ჯანდაცვის სამინისტროში გაფიცულ სოციალურ მუშაკებთან შეხვედრა დასრულდა. მოლაპარაკებას ესწრებოდა დავით სერგეენკოც.

შეხვედრის დასრულების შემდეგ მედიასთან განცხადება ჯანდაცვის მინისტრმა გააკეთა. დავით სერგეენკო იმედოვნებს, რომ დღევანდელი საუბრების შემდეგ გაფიცვა დასრულდება და ხვალ დილიდან სოციალური მუშაკები დაუბრუნდებიან სამუშაო ადგილს.

"ვფიქრობ, რომ გაფიცვა დასრულდება, საბოლოო შეთანხმება არის ასეთი, რომ უკლებლივ ყველა პუნქტი განვიხილეთ, გავაანალიზეთ. საბოლოოდ, მათი პოზიცია იყო, რომ ამას, რაც ჩვენ შეთანხმებას მივაღწიეთ, უკვე ფორმალიზებულად, დოკუმენტის სახით გააცნობენ სხვა სოციალურ მუშაკებს, მოისმენენ მათ მოსაზრებას და ამის შემდეგ მიიღებენ გადაწყვეტილებას გაფცვის შეწყევეტაზე... ვფიქრობ, რომ ხვალიდან გაფიცვა შეწყდება," - ამბობს დავით სერგეენკო.