მსოფლიო

ვფიქრობ, ვლადიმერ პუტინთან სატელეფონო საუბრისას გარკვეულ პროგრესს მივაღწიეთ - დონალდ ტრამპი

ვფიქრობ, ვლადიმერ პუტინთან სატელეფონო საუბრისას გარკვეულ პროგრესს მივაღწიეთ, – ამის შესახებ აშშ-ის პრეზიდენტმა, დონალდ ტრამპმა განაცხადა.

„ვლადიმერ პუტინთან ორსაათ-ნახევრიანი საუბარი მქონდა. ვფიქრობ, გარკვეულ პროგრესს მივაღწიეთ. იქ საშინელი ვითარებაა. ყოველ კვირა 5000 ახალგაზრდა იღუპება, ასე რომ, იმედია, რაღაც გავაკეთეთ“, – განაცხადა ტრამპმა.

ამასთან, აშშ-ის პრეზიდენტმა აღნიშნა, რომ პუტინთან სატელეფონო საუბრის შესახებ ევროპელ ლიდერებს ესაუბრა.

„ჩვენ ვესაუბრეთ ევროპული ქვეყნების უმეტესობის ლიდერებს და ვცდილობთ, მთელი ეს სიტუაცია დავასრულოთ“, – აღნიშნა ტრამპმა.