მსოფლიო

ვისაუბრებთ უკრაინაზე, სირიასა და არჩევნებში ჩარევაზე - დონალდ ტრამპი პუტინთან დაგეგმილ შეხვედრაზე

აშშ-ის პრეზიდენტის, დონალდ ტრამპის განცხადებით, ვლადიმერ პუტინთან შეხვედრაზე ისინი ისაუბრებენ უკრაინაზე, სირიასა და 2016 წლის აშშ-ის საპრეზიდენტო არჩევნებში ჩარევაზე.

„მას ყველაფერზე გავესაუბრები. ვილაპარაკებთ უკრაინაზე, სირიაზე. ვილაპარაკებთ არჩევნებზე...ჩვენ არ გვსურს, რომ ვინმე ჩაერიოს არჩევნბებში“, -დასძინა ტრამპმა.

კითხვაზე, აღიარებს თუ არა აშშ ყირიმს რუსეთის ნაწილად, ტრამპმა უპასუხა „ვნახოთ“. როცა მას ჰკითხეს, გააუქმებს თუ არა ვაშინგტონი სანქციებს მოსკოვის წინააღმდეგ, ტრამპმა განაცხადა, რომ „ვნახოთ, რას იზამს რუსეთი“.

ტრამპსა და პუტინს შორის შეხვედრა 16 ივლისს, ჰელსინკიში გაიმართება.