უახლესი ამბები
- 29.03.2024 14:52მთავრობის მიზანია, შევინარჩუნოთ მაღალი ეკონომიკური ზრდის მაჩვენებელი და ეკონომიკური ზრდა გავხადოთ უფრო მეტად ინკლუზიური - ვახტანგ ცინცაძე
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
მსოფლიო
ვლადიმირ პუტინს ერჩივნა არჩევნებზე გამარჯვება ჰილარი კლინტონს მოეპოვებინა - დონალდ ტრამპი
ამერიკის პრეზიდენტი დონალდ ტრამპი მიიჩნევს, რომ კრემლს ერჩივნა აშშ-ს საპრეზიდენტო არჩევნებში გამარჯვება ჰილარი კლინტონს მოეპოვებინა.
ამის შესახებ ტრამპმა ტელეარხ CBN-თვის მიცემულ ინტერვიუში განაცხადა.
„ჰილარის რომ გაემარჯვა, ჩვენი შეიარაღებული ძალები დაიშლებოდა, ჩვენი ენერგომატარებლები გაძვირდებოდა. ჩემს შემთხვევაში ყველაფერი სხვაგვარადაა, და სწორედ ეს არ მოსწონს პუტინს ჩემს პოლიტიკაში. ამიტომაც ვსვამ კითხვას: რატომ უნდა ყოფილიყო ის დაინტერესებული ჩემს გამარჯვებაში? პირველივე დღიდან ვაცხადებ, რომ საჭიროა შეიარაღებული ძალების განმტკიცება, რისი დანახვაც მას არ სურს“,-აღნიშნა ამერიკის ლიდერმა.
თუმცა, მიუხედავად ამისა, ტრამპის თქმით, მისი შეხვედრა პუტინთან G20-ის სამიტზე პროდუქტიული იყო.
„კარგი შეხვედრა გვქონდა. პირადი შეხვედრა იყო, საკმაოდ ხანგრძლივი. ის 2 საათსა და 15 წუთს გაგრძელდა. ყველას გაუკვირდა, რომ ამდენ ხანს გაგრძელდა. მაგრამ, ეს კარგი იყო და არა ცუდი. ვფიქრობ, ჩვენ საერთო ენა გამოვნახეთ, და ეს კარგია. ადამიანები ამბობენ: “არ უნდა გამონახონ საერთო ენაო“. მაგრამ, ვინ არიან ეს ადამიანები? ვფიქრობ, ჩვენ კარგად ვუგებთ ერთმანეთს. ჩვენ მძლავრი ბირთვული ზესახელმწიფო ვართ, როგორც ისინი. უგუნურობა იქნებოდა არანაირი ურთიერთობა არ გვქონდეს“,-განმარტა დონალდ ტრამპმა.
ამასთნავე, ამერიკის ლიდერი აღნიშნავს, რომ პუტინთან „შეთანხმება ზოგჯერ მოხერხდება, ზოგჯერაც არა“.
მონიკა დავლიანიძე