უკან

უახლესი ამბები

დღის კალენდარი

ანონსები

არქივი

სამართალი

10 იანვარი, 2017 13:45
font-size

ზაზა ოქუაშვილს ,,ომეგა ჯგუფის’’ საკონტროლო პაკეტის დათმობას აიძულებდნენ - ნუნუ გინტური

თბილისის საქალაქო სასამართლოში ტელეკომპანია ,,იბერიას’’ დახურვისა და სამაუწყებლო ლიცენზიის დათმობის საქმეზე პროცესი ბრალდების მხარის მტკიცებულებათა გამოკვლევით განახლდა.

სხდომათა დარბაზში ბრალდების მხარის მოწმე, ყოფილი ნოტარიუსი, ნუნუ გინტური დაიკითხა, რომელმაც 2004 წლის დეკემბერში განახორციელა სანოტარო მოქმედება, რომლის შედეგადაც, იბერია ტვ-ის 25%-იანი წილის გადაფორმება მოხდა დავით კაკაურიძეზე.

სასამართლო პროცესზე მოწმემ იბერია ტვ-ის ლიცენზიის დათმობის პროცესის გარდა, ის მოვლენებიც გაიხსენა, რომელიც ამ პროცესს წინ უძღვოდა. კერძოდ, გინტურის თქმით, 2004 წლის მაისში მასთან მივიდნენ არკადი (ბადრი) პატარკაციშვილის ადვოკატები, რომლებმაც ის ჩუბინაშვილის ქუჩაზე, ტელეკომპანია ,,იბერიაში’’, რამდენიმე მილიონიანი გარიგების სანოტარო მოქმედებით გასაფორმებლად მიიყვანეს.

როგორც ყოფილი ნოტარიუსი იხსენებს, ტელეკომპანიაში მისულს დახვდნენ ომეგა ჯგუფის ხელმძღვანელი, ზაზა ოქუაშვილი და ბესარიონ კეიდია. ნუნუ გინტურის თქმით, ამ უკანასკნელს და ბადრი პატარკაციშვილის საერთო იურისტები ჰყავდათ და ამიტომ, არ გამორიცხა, რომ გასაფორმებელ გარიგებაში შესაძლოა, სწორედ გარდაცვლილი ბიზნესმენი ფიგურირებდა.

,,საუბარი იყო საკონტროლო პაკეტის გადაცემაზე. ზაზა ოქუაშვილი ყიდდა და ბესარიონ კეიდია ყიდულობდა. თუ სწორად მახსოვს, 15 მილიონიანი გარიგება იყო. როდესაც დავიწყე ხელშეკრულების წაკითხვა და პროცენტის ნაწილზე მივედი, ამან ზაზა ოქუაშვილის უკმაყოფილება გამოიწვია. მას არ სურდა საკონტროლო პაკეტის დათმობა. საბოლოოდ, როდესაც მივხვდი მხარეები ვერ თანხმდებოდნენ, ავდექი და დავტოვე ტელეკომპანიის ტერიტორია ისე, რომ ხელშეკრულება აღარ გაფორმებულა’’, - განაცხადა ყოფილმა ნოტარიუსმა.

მისივე თქმით, მომხდარიდან რამდენიმე თვეში, უკვე 7 დეკემბერს, მის სანოტარო ბიუროში განხორციელდა სანოტარო მოქმედება, რომლის შედეგად შპს ,,ილიონის’’, ანუ იბერია ტვ-ს 25%-იანი წილის გადაფორმება მოხდა დავით კაკაურიძეზე.

თავის მხრივ, როგორც დღევანდელი სხდომის დასრულების შემდეგ საქმის პროკურორმა, ემზარ გაგნიძემ ჟურნალისტებს განუცხადა, მოწმის მიერ ხსენებული მაისის შეხვედრის მონაწილე ბესარიონ კეიდია იყო ხელისუფლების ნდობით აღჭურვილი პირი და მისი მიზანი იყო ზაზა ოქუაშვილს დაეთმო ,,ომეგა ჯგუფის’’ საკონტროლო პაკეტი - 51%, რაზეც ოქუაშვილმა უარი განაცხადა.

რაც შეეხება არშემდგარ გარიგებასთან ბადრი პატარკაციშვილის შესაძლო კავშირს, აღნიშნული პროკურორმა ჟურნალისტებს არ დაუდასტურა და აღნიშნა, რომ ნუნუ გინტურმა პატარკაციშვილთან კეიდია იმიტომ დააკავშირა, რომ იცოდა, ამ უკანასკნელს გარდაცვლილ ბიზნესმენთან საქმიანი ურთიერთობა ჰქონდა და მათ საერთო ადვოკატები ჰყავდათ.

როგორც პროკურორი ამბობს, სწორედ ამ არშემდეგარი გარიგების გაგრძელება იყო 7 დეკემბრის ხელშეკრულება, რომლის შედეგადაც ზაზა ოქუაშვილს საბოლოოდ დაათმობინეს ,,იბერიას’’ ლიცენზია.

,,ნუნუ გინტურმა სასამართლოს წინაშე დაადასტურა, რომ 2004 წლის მაისში ზაზა ოქუაშვილს სთხოვდნენ კომპანიის საკონტროლო პაკეტის დათმობას, 51%-ზეა საუბარი, თუმცა მას შემდეგ, რაც ნოტარიუსისთვის ცხადი გახდა იქ არსებული გარემოებები, მან არ მოაწერა ხელი აღნიშნულ ხელშეკრულებას და დატოვა ტელეკომპანიის ტერიტორია. რაც შეეხება რამდენიმე თვის შემდეგ, დეკემბერში მომხდარს, ეს ის პერიოდია, როდესაც ზაზა ოქუაშვილზე და მის კუთვნილ კომპანიებზე ხდება ინტენსიური შეტევა, ზეწოლა და მუშაობის შეჩერება. ზაზა ოქუაშვილი იძულებული გახადეს ზურაბ ადეიშვილმა და გიორგი ლაცაბიძემ მათი მოთხოვნის შესაბამისად დაეთმო ტელეკომპანია ,,იბერიის’’ ლიცენზია, რადგან წინააღმდეგ შემთხვევაში ,,ომეგა ჯგუფში’’ შემავალი კომპანიები ვერ გაანახლებდნენ მუშაობას’’, - განაცხადა პროკურორმა.

რაც შეეხება დაცვის მხარის პოზიციას, როგორც ზურაბ ადეიშვილის ადვოკატმა, შოთა კახიძემ განაცხადა, პროკურატურის მხრიდან გრძელდება ,,არაფრისმთქმელი’’ მოწმეების დაკითხვა.

მისი თქმით, დღევანდელი მოწმის ჩვენებით არ დასტურდება საქმეში მისი დაცვის ქვეშ მყოფის მიერ დანაშაულის ჩადენა.

,,არანაირი რელევანტური ინფორმაცია აღნიშნულ მოწმეს არ მოუცია. მან ისაუბრა ჩვეულებრივი სანოტარო აქტის შესახებ, რომელიც წარსულში განახორციელა’’, - აღნიშნა ადვოკატმა.

შეგახსენებთ, რომ პროკურატურამ ტელეკომპანია ,,იბერიის’’ დახურვისა და სამაუწყებლო ლიცენზიის ჩამორთმევის საქმე 2016 წლის თებერვალში გახსნა. უწყების ინფორმაციით, აღნიშნულ ფაქტთან დაკავშირებით ყოფილი გენერალური პროკურორი ზურაბ ადეიშვილი და მისი პირველი მოადგილე გიორგი ლაცაბიძე სისხლის სამართლის პასუხისგებაში მიეცა.

საქმეზე მომდევნო სხდომა 2017 წლის 24 იანვრის 12:00 საათისთვის ჩაინიშნა.

თვითმკვლელობის მცდელობამდე მიყვანაში ბრალდებულს 4-წლიანი პატიმრობა მიესაჯა

22 აპრილი, 2019 , 16:35

ოჯახის წევრის მიმართ გენდერული დისკრიმინაციის მოტივით ჩადენილ ძალადობაში და თვითმკვლელობის მცდელობამდე მიყვანაში ბრალდებულს 4 წლით თავისუფლების აღკვეთა მიესაჯა. „თბილისის საქალაქო სასამართლომ სრულად გაიზიარა პროკურ

ზუგდიდის საავადმყოფოში შეყვანილი ათი ბავშვის საქმეზე შსს-მ გამოძიება ტრეფიკინგის მუხლით დაიწყო

20 აპრილი, 2019 , 15:54

ზუგდიდის საავადმყოფოში ინტოქსიკაციის ნიშნებით შეყვანილი ათი ბავშვის საქმეზე შსს-მ გამოძიება ტრეფიკინგის მუხლით დაიწყო. საგამოძიებო უწყების ინფორმაციით, უკრაინის მოქალაქე, რომელიც ზუგდიდში ერთ-ერთ ბინაში 10 ბავშვთან ერთად

„ლიბერთი ბანკის“ დაყაჩაღების ფაქტზე სამი პირია დაკავებული

20 აპრილი, 2019 , 13:26

შინაგან საქმეთა სამინისტრომ „ლიბერთი ბანკის“ დაყაჩაღების ფაქტზე სამი პირი დააკავა. ამის შესახებ დღეს გამართულ ბრიფინგზე შს მინისტრისპირველმა მოადგილემ კახა საბანაძემ განაცხადა. მისი თქმით, მიმდინარე წლის 19 ა

სამართალდამცველებმა ნარკოდანაშაულისთვის ორი პირი დააკავეს

20 აპრილი, 2019 , 11:30

შინაგან საქმეთა სამინისტროს თბილისის პოლიციის დეპარტამენტის საგამოძიებო სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, დიდი ოდენობით ნარკოტიკული საშუალების უკანონო შეძენა-შენახვის ბრა

სახელმწიფო შესყიდვების პროცესში არსებული კანონსაწინააღმდეგო ქმედებებისთვის 6 პირი პასუხისგებაში მისცა

20 აპრილი, 2019 , 11:30

დასავლეთ საქართველოს საოლქო პროკურატურის საგამოძიებო ნაწილმა, სახელმწიფო აუდიტის სამსახურის მიერ მოწოდებული დასკვნის გათვალისწინებით, ვანის მუნიციპალიტეტის გამგეობის მიერ, 2015 წლის მანძილზე გამარტივებული შესყიდვით გაფორ

პოლიციამ ბათუმში სწრაფი ჩარიცხვის აპარატის გაქურდვის ფაქტი აღკვეთა

20 აპრილი, 2019 , 11:30

შინაგან საქმეთა სამინისტროს აჭარის პოლიციის დეპარტამენტის ბათუმის საქალაქო სამმართველოს თანამშრომლებმა, სწრაფი ჩარიცხვის აპარატის გაქურდვის მცდელობის ბრალდებით, 1989 წელს დაბადებული ლ.შ. დააკავეს. დანაშაული 3-დან 5 წლამდ

ვიდეო გალერეა

ნატო ჩხეიძე ინგა გრიგოლიასთან `რეაქციაში` - 07.03.2019