სამართალი

ზაზა სარალიძე მთავარი პროკურატურისა და შინაგან საქმეთა სამინისტროს წარმომადგენლებს ხვდება

ხორავას ქუჩაზე მოკლული მოზარდის, დავით სარალიძის მამა, ზაზა სარალიძე მთავარი პროკურატურისა და შინაგან საქმეთა სამინისტროს წარმომადგენლებს ხვდება.

სარალიძე პროკურატურაში ადვოკატთან ერთად მივიდა, რომლის თქმითაც, შეხვედრას სახალხო დამცველის წარმომადგენელიც დაესწრება.

როგორც შეხვედრის დაწყების წინ ადვოკატმა, ნესტან ლონდარიძემ ჟურნალისტებს განუცხადა, პროკურატურაში დააყენებენ საპარლამენტო საგამოძიებო კომისიის მიერ გაცემული რეკომენდაციის შესრულების საკითხს, რომელიც მიხეილ კალანდიას მიმართ ბრალის წარდგენის შესაძლებლობას გულისხმობს.