პოლიტიკა

ზაზა სარალიძე პრემიერ-მინისტთან მარტო შეხვედრას არ აპირებს

ხორავას ქუჩაზე მოკლული დავით სარალიძის მამამ, ზაზა სარალიძემ მთავრობის ადმინისტრაციის მიმდებარე ტერიტორია დატოვა. ამ ეტაპზე უცნობია შეხვდება თუ არა ის პრემიერს. როგორც მან თქვა, ის მეუღლესთან მიდის.

როგორც ადმინისტრაციასთან მისვლისსას მან განაცხადა, მარტო პრემიერ-მინისტრს არ შეხვდება.

მთავრობის ადმინისტრაციასთან სარალიძესთან ერთად მისულები იყვნენ ზვიად კუპრავაც და სახალხო დამცველი ნინო ლომჯარია.

„ულტიმატუმს ნუ მიყენებენ, რას ჰქვია მარტო?! ულტიმატუმი წაუყენონ თავის თავს. დაველოდები მათ გადაწყვეტილებას, არ შემიშვებენ რა მოთხოვნაც მაქვს, კარგად იყვნენ. ჩვენ შევდივართ ადამიანები, ყველა პოლიტიკოსი, ყველა შვილმოკლული მშობელი. ულტიმატუმებს ნუ მიყენებენ. ძალიან ვთხოვ მაგათ, რას ქვია მარტო? აქ მე მარტო ჩემი შვილის სახელით აღარ ვლაპარაკობ. ჩემ გვერდით არის მალხაზ მაჩალიკაშვილი და ყველა შვილმოკლული მშობელი. დაველოდები მათ გადაწყვეტილებას ერთი საათი, ალბათ არ შემიშვებენ, კარგად ბრძანდებოდნენ, წავალ და აქციაზე დავდგები. მარტო არ შევხვდები პრემიერ-მინისტრს, ექვსი თვე ვეხვეწე და ვემუდარე მაგათ”, – განაცხადა ზაზა სარალიძემ.

მთავრობის ადმინისტრაციის შენობაშია უკვე ხორავაზე მოკლული ლევან დადუნაშვილის მამა. შენობაშია ასევე სახალხო დამცველი ნინო ლომჯარია.