სახალხო დამველი დღეს საკუთარ თავსაც ვერ იცავს... თავისი მანდატი დღეს გადასცა „ქართული ოცნების“ დეპუტატებს - ვიკა ფილფანი
სახალხო დამცველმა თავისი მანდატი დღეს გადასცა „ქართული ოცნების“ დეპუტატებს, - ამის შესახებ, „გახარია საქართველოსთვის“ პარტიის პოლიტსაბჭოს წევრი, დეპუტატი ვიკა ფილფანი სოციალურ ქსელში წერს.
„სახალხო დამცველმა თავისი მანდატი დღეს გადასცა „ქართულ ოცნების“ დეპუტატებს. ჩვენს მიერ დასმულ კითხვებს იოსელიანის ნაცვლად გორდულაძე პასუხობდა და იცავდა სახალხო დამცველს.
სახალხო დამცველს არ შეუძლია დაასახელოს პასუხისმგებელი პირი ადამიანის უფლებების მდგომარეობის გაუარესებაზე!
სახალხო დამცველი დღეს საკუთარ თავსაც ვერ იცავს“, - განაცხადა ვიკა ფილფანმა.
შეგახსენებთ, ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე, სახალხო დამცველის 2025 წლის ანგარიში მოისმინეს. ანგარიში საქართველოში ადამიანის უფლებათა და თავისუფლებათა დაცვის მდგომარეობას ეხება. მოხსენებისას ომბუდსმენმა ყურადღება გაამახვილა აქციებზე დაკავებული მოქალაქეების არასათანადო მოპყრობის ფაქტებზე, პენიტენციურ დაწესებულებებში არსებულ მდგომარეობაზე. ამასთან, ისაუბრა, რომ შეკრების თავისუფლებასთან დაკავშირებული სამართალდარღვევებისთვის სახდელები არაპროპორციულია.