სასამართლომ გოგა ხაინდრავას სარჩელი დააკმაყოფილა და „ფორმულა“ „მორალური ზიანის მიყენების გამო“ 10 000 ლარით დააჯარიმა

საქალაქო სასამართლომ გოგა ხაინდრავას სარჩელი დააკმაყოფილა და „ფორმულა“ „მორალური ზიანის მიყენების გამო“ 10 000 ლარით დააჯარიმა.

შეგახსენებთ, რომ დავის საგანი ის რეპორტაჟია, რომელსაც მოსარჩელე მხარე ცრუ დასმენად და ცილისწამებად აფასებს. საუბარია სიუჟეტზე, სადაც ნათქვამი იყო, რომ ხაინდრავა, კორუფციისა და ქვეყანაში მოქალაქეების უკანონო შემოყვანის სავარაუდო სქემაში ფიგურირებს.

ეს სარჩელი უკვე შეფასდა საგამოძიებო ჟურნალისტების დაშინებისა და მათზე ზეწოლის მცდელობად. ევროპის საბჭოს მედიის დაცვის პლატფორმამ აღნიშნულ საქმეზე განგაშის სიგნალიც აამოქმედა.

ინფორმაციას ტელეკომპანია „ფორმულა“ ავრცელებს.