პოლიტიკა

2008 წლის აგვისტოს ომზე სალომე ზურაბიშვილის მიერ გაკეთებული ბოლო ინტერპრეტაცია იყო ჩვენთვის მისაღები - ირაკლი კობახიძე

პარლამენტის თავმჯდომარემ, ირაკლი კობახიძემ 2008 წლის აგვისტოს ომზე სალომე ზურაბიშვილის განცხადებებზე საუბრისას თქვა, რომ დამოუკიდებელი დეპუტატის თავდაპირველი განცხადება ინტერპრეტირების საშუალებას იძლეოდა, თუმცა ბოლო განმარტებამ ზუსტად ასახა 2008 წელს განვითარებული მოვლენები.

კობახიძის თქმით, ბოლო განცხადება მმართველი გუნდისთვის მისაღებია.

„იყო პირველი განცხადება, რომელიც ინტერპრეტირების საშუალებას იძლეოდა სხვა მიმართულებით, ამის შემდეგ იყო სხვა გამოსვლები, სადაც სხვა კონკრეტული ინტერპრეტაცია მოვისმინეთ ქალბატონი სალომეს მხრიდან. ვფიქრობთ, რომ ეს ბოლო ინტერპრეტაცია იყო ჩვენთვის მისაღები, რადგან ზუსტად ასახავდა პროცესების იმ განვითარებას, რომელსაც ადგილი ჰქონდა 2008 წელს. თუმცა მე არ გავაღრმავებდი ამ თემას, ეს არ არის ჩვენი პრეროგატივა, ყველა კანდიდატს შეუძლია, თავისი მოსაზრება გამოთქვას, ჩვენ გვაქვს ჩვენი პრინციპები“,- განაცხადა კობახიძემ.

ცნობისთვის, სალომე ზურაბიშვილის მტკიცებით, 2008 წლის აგვისტოს ომი საქართველომ დაიწყო.