კომენტარი

2008 წლის ომის თაობაზე გაკეთებული განცხადება არის პირადად სალომე ზურაბიშვილის პოზიცია - დავით ზალკალიანი

საგარეო საქმეთა მინისტრის, დავით ზალკალიანის განცხადებით, პრეზიდენტობის კანდიდატის, სალომე ზურაბიშვილის ნათქვამი, რომ 2008 წლის აგვისტოს ომი საქართველომ დაიწყო, მისი პირადი პოზიციაა.

„ „ქართულმა ოცნებამ“ გააკეთა განცხადება, რომ მას არ ჰყავს პრეზიდენტობის კანდიდატი. აქედან გამომდინარე, ეს 2008 წლის ომის თაობაზე გაკეთებული განცხადება არის პირადად სალომე ზურაბიშვილის პოზიცია“, – განაცხადა საგარეო საქმეთა მინისტრმა.

ზალკალიანის თქმით, მისი საკუთარი პოზიციაა, რომ ომი რუსეთმა დაიწყო.

„არაერთხელ განმიცხადებია როგორც საკუთარი, ასევე საგარეო საქმეთა სამინისტროს პოზიცია, რომ 2008 წელს რუსეთის მხრიდან განხორციელდა აგრესია, რასაც ჩვენი ქვეყნის ტერიტორიების ოკუპაცია მოჰყვა. ეს არის პოზიცია, რომელსაც მუდმივად ვაფიქსირებდით; პოზიცია, რომელსაც ჩვენ მუდმივად გამოვხატავთ ყველა საერთაშორისო ფორუმზე, ყველა ჩვენ განცხადებაში; პოზიცია, რაზეც ვსაუბრობთ ჟენევის საერთაშორისო მოლაპარაკებების ფორმატში“, – განაცხადა ზალკალიანმა.