უახლესი ამბები
- 01.05.2024 12:515 და 6 მაისს დედაქალაქში მეტრო და ავტობუსები გახანგრძლივებული დროით იმოძრავებენ
- 01.05.2024 12:31„სამწუხარო რეალობაა, რომ ასე გამეტებით სცემეს ადამიანებს“ - ლევან ხაბეიშვილი პარლამენტში გიორგი ვაშაძემ ეტლით მიიყვანა
- 01.05.2024 11:14პარტია „ლელო საქართველოსთვის“ მოუწოდებს ჩვენი ქვეყნის სტრატეგიულ მოკავშირეებს, დაიწყონ ზეწოლა ბიძინა ივანიშვილზე და მის ხელისუფლებაზე საერთაშორისო სამართლით გათვალისწინებული ყველა ბერკეტით
- 01.05.2024 10:42უქმე დღეებთან დაკავშირებით ფინანსთა სამინისტროს შემოსავლების სამსახური განცხადებას ავრცელებს
- 01.05.2024 10:31ლევან ხაბეიშვილი შეიჭრა პოლიციის კორდონში, გაუწია მათ წინააღმდეგობა, რა დროსაც მიიღო სხეულის დაზიანება - ალექსანდრე დარახველიძე
- 01.05.2024 10:18გუშინდელ აქციაზე ექვსი სამართალდამცველი დაშავდა, დაკავებულია 63 პირი - შსს
არქივი
საზოგადოება
2014-2017 წლებში აფხაზ და ოს პაციენტებზე 17 მილიონ ლარამდე დაიხარჯა - IDFI
2014-2017 წლებში, აფხაზი და ოსი პაციენტების სამედიცინო ხარჯების სახელმწიფო ბიუჯეტიდან დაფარვის პროგრამის ფარგლებში სულ დაიხარჯა 16,935,074.81 ლარი, ხოლო სამედიცინო მომსახურება სულ 6,188-მა პაციენტმა მიიღო. - ამის შესახებ წერია IDFI-ის ანგარიშში ოკუპირებული ტერიტორიებზე მცხოვრები პაციენტების სამედიცინო მომსახურების ხარჯების შესახებ.
არასამთავრობო ორგანიზაციამ საქართველოს შრომის, ჯანმრთელობისა და სოციალური დაცვის სამინისტროს 2014-2017 წლების სტატისტიკური მონაცემების მოთხოვნით მიმართა.
მიწოდებული ინფორმაციის მიხედვით, 2014-2017 წლებში სახელმწიფო სამედიცინო დახმარებით მოსარგებლეებს შორის მეტი აფხაზი (3,595) იყო, ვიდრე ოსი (2,650). შესაბამისად, აფხაზი პაციენტების სამედიცინო მომსახურებაზე უფრო მეტი თანხა დაიხარჯა (აფხაზ პაციენტებზე – 9,759,689 ლარი, ოს პაციენტებზე – 8,098,078 ლარი).
2014 წელს - აფხაზ პაციენტებზე - 1.5 მილიონი ლარი დაიხარჯა, ოსებზე - 1.7 მილიონი ლარი; 2015 წლის მონაცემებით აფხაზებზე - 2.3 მილიონი, ხოლო ოსებზე - 2.2 მილიონი ლარი გამოიყო; 2016 წელს აფხაზ პაციენტებზე 3.2 მილიონი იყო გამოყოფილი; ოსებზე კი - 2.6 მილიონი ლარი. რაც შეეხება 2017 წლის მონაცემებს, 8 ნოემბრამდე აფხაზ პაციენტებზე 2.7 მილიონი, ხოლო ოსებზე 1.7 მილიონი ლარი იყო გამოიყო.
2014-2016 წლებში სახელმწიფო ბიუჯეტიდან დაფინანსებული სამედიცინო მომსახურებით მოსარგებლე პაციენტების რაოდენობა 2.4-ჯერ გაიზარდა, ხოლო ბიუჯეტიდან გამოყოფილი თანხა თითქმის გაორმაგდა. ამავე პერიოდში სახელმწიფო ბიუჯეტიდან დაფინანსებული სამედიცინო ტრანსპორტირებით მოსარგებლე პაციენტების რაოდენობა 50%-ით გაიზარდა.
ყველაზე ხშირად ოკუპირებულ ტერიტორიებზე მცხოვრები პაციენტები ქართულ სამედიცინო დაწესებულებებს მონკოლოგიის, ონკოჰემატოლოგიის დაავადების შემთხვევაში და მედიკამენტების მოთხოვნით მიმართავენ.
ცნობისთვის, ოკუპირებულ ტერიტორიებზე მცხოვრები პირების სამედიცინო მომსახურების სახელმწიფო ბიუჯეტიდან დაფინანსება „რეფერალური მომსახურების სახელმწიფო პროგრამის“ ფარგლებში ხორციელდება.