უახლესი ამბები
- 22.10.2025 14:47მზია ამაღლობელი 2025 წლის სახაროვის პრემიის გამარჯვებული გახდა
- 22.10.2025 13:59ჟურნალისტი ირაკლი წულაია დააკავეს
- 22.10.2025 11:39დიდი ოდენობით თანხის მითვისების ფაქტზე საქართველოს ხელბურთის ეროვნული ფედერაციის ყოფილი პრეზიდენტი დააკავეს
- 22.10.2025 11:15ზურაბ ჯაფარიძე გახარიას პარტიაზე: ისღა დაგვრჩენია, თვალყური ვადევნოთ როგორ დაასაფლავებს ამ ხალხს რუსული რეჟიმი
- 22.10.2025 11:06შსს-მ ნარკოდანაშაულის ბრალდებით აჭარაში თურქეთის მოქალაქე დააკავა
- 22.10.2025 10:4022 ოქტომბერი ხის დარგვის საერთაშორისო დღეა
- 22.10.2025 08:00დღის კალენდარი - 22 ოქტომბერი
არქივი
რეგიონები


აბაშის მუნიციპალიტეტში პირველი საერთაშორისო საბავშვო-საყმაწვილო კინოფესტივალი იმართება
აბაშის პირველი საერთაშორისო საბავშვო-საყმაწვილო კინოფესტივალი გაიხსნა, სადაც 4 დღის განმავლობაში ნაჩვენები იქნება 36 ქვეყნის 180 მოკლემეტრაჟიანი (10 წუთამდე) ფილმი - ამის შესახებ ინფორმაციას აბაშის მუნიციალიტეტის გამგეობა ავრცელებს.
გამგეობის ინფორმაციით, აბაშაში 15-მდე ქვეყნის დელეგაციაა ჩამოსული, მათ შორის მეზობელი აზერბაიჯანის, ბულგარეთის, პოლონეთის და მსოფლიოს სხვაქვეყნებიდან. აბაშის კინოფესტივალში ჩართულები არიან ადგილობრივი მოზარდები, რომლებიც უკვე სამი წელიწადია საზაფხულო საყმაწვილო კინოსკოლაში ეუფლებიან კინოხელოვნებას და ქმნიან კინოპროდუქტს, ასევე საქართველოს სხვადასხვა ქალაქის ნორჩი კინემატოგრაფისტები (10-18 წლის ახალგაზრდები).
ფესტივალი გახსნა ღონისძიების სულისჩამდგმელმა და ორგანიზატორმა პროფესორმა ზვიად დოლიძემ. საზოგადოებას სიტყვით მიმართეს, ფესტივალის მონაწილეებს მიესალმნენ და წარმატებები უსურვეს ღვთისმშობლის შობის სახელობის საკათედრო ტაძრის დეკანოზმა მამა კონსტანტინემ, აბაშის მუნიციპალიტეტის გამგებელმა მამუკა კვიტაშვილმა და საკრებულოს თავმჯდომარემ პაატა ქურდოვანიძემ.
აუდიტორია ოვაციით შეხვდა ახლახან გამართულ კლასიკურ ჭიდაობაში მსოფლიო ჩემპიონატის პრიზიორს, ბრინჯაოს მედლის მფლობელს აბაშელ რევაზ ნადარეიშვილს.
კინოფესტივალის პრიზია „ოქროს ბატიბუტი“, რომელიც გადაეცემა შვიდ ნომინაციაში გამარჯვებულ ფილმებსა და ნორჩ კინემატოგრაფისტებს.
კინოფესტივალის საკონკურსო ფილმებს შეაფასებს საერთაშორისო ჟიური, რომლის შემადგენლობაში არიან - ჟიურის თავმჯდომარე, კინორეჟისორი და პროდიუსერი გიორგი ოვაშვილი (საქართველო) და ჟიურის წევრები: კინორეჟისორი და კინოდრამატურგი იური დაჩევი (ბულგარეთი) და კინოკრიტიკოსი ანა საევიჩი (პოლონეთი).
საკონკურსო ფილმების ჩვენებამდე მაყურებლებს წარუდგინეს აბაშის საზაფხულო-საყმაწვილო კინოსკოლის ფარგლებში გადაღებული პირველი ფილმები. ფესტივალის პირველი საკონკურსო დღე სოფელ ძველ აბაშაში გამართული ფოლკლორის საღამოთი დასრულდა. ღონისძიება ამ სოფლის მკვიდრი პოეტის კაჟან ცისკარელის (ირაკლი ქოიავა) დაბადებიდან 100 წლისთავის იუბილეს ეძღვნებოდა. საღამოს ესწრებოდნენ უცხო ქვეყნებიდან ჩამოსული სტუმრები, აბაშის საპატიო მოქალაქეები, პოეტის მეგობრები და პოეზიის მოყვარულები.

ჟინვალი-ბარისახო-შატილის გზის მონაკვეთებზე ავტოტრანსპორტის მოძრაობის შეზღუდვები დაწესდა
13 ოქტომბერი, 2025 , 12:53
თოვლის და ლიპყინულის გამო, ფშაველი-აბანო-ომალოს გზაზე ავტოტრანსპორტის მოძრაობა დროებით აკრძალულია
13 ოქტომბერი, 2025 , 11:22

ჭუბერში, მდინარე ენგურში მანქანა გადავარდა - დაღუპულია ცოლ-ქმარი
30 სექტემბერი, 2025 , 13:35
ალეკო ელისაშვილი და ხარაგაულის მერობის კანდიდატი, ინგა მაღრაძე დამეწყრილი სოფლებში ჩავიდნენ
18 სექტემბერი, 2025 , 17:59

გივი მიქანაძემ რაჭაში ღვაწლმოსილი მასწავლებლები დააჯილდოვა
16 სექტემბერი, 2025 , 11:51

მცხეთა-სტეფანწმინდა-ლარსის გზის 109-ე კმ-ზე მეწყერის ჩამოწოლის გამო, ყველა სახის ავტოტრანსპორტის მოძრაობა შეზღუდულია
10 სექტემბერი, 2025 , 10:55