უახლესი ამბები
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
რეგიონები
აჭარაში ფაროსანას საწინააღმდეგო ღონისძიებები მიმდინარეობს
ციტრუსის სეზონის მოახლოებასთან ერთად აჭარის რეგიონში აზიური ფაროსანას წინააღმდეგ ბრძოლა და მოსახლეობის ჩართულობა კიდევ უფრო მნიშვნელოვანი ხდება.
სურსათის ეროვნული სააგენტოს ინფორმაციით, მავნებლის საწინააღმდეგო ღონისძიებების გატარების მიზნით ქობულეთის მუნიციპალიტეტში 65 ერთეული თერმული ნისლით დამუშავებისა და 20 ერთეული ცივი შესხურების დანადგარია მობილიზებული.
ხელვაჩაურისა და ქობულეთის მუნიციპალიტეტის სოფლების ტერიტორიები სურსათის ეროვნული სააგენტოს, აზიური ფაროსანას საკოორდინაციო შტაბისა და აჭარის ავტონომიური რესპუბლიკის სოფლის მეურნეობის სამინისტროს კოორდინირებული მუშაობის შედეგად დამუშავდა.
მავნებლის პოპულაციისა და ეკონომიკური ზარალის შესამცირებლად, სახელმწიფოს მიერ გატარებულ ღონისძიებებთან ერთად, აუცილებელია, მოსახლეობამ მოუაროს ციტრუსის ბაღებს და ფაროსანას საწინააღმდეგოდ განახორციელოს მექანიკური ღონისძიებები.
ამ დროისთვის იმერეთის, სამეგრელოს, გურიისა და აჭარის რეგიონებში სახელმწიფოს მიერ თერმული ნისლის ტექნოლოგიითა და ცივი შესხურების მეთოდით 700 ათასამდე ჰექტარი ფართობია დამუშავებული, რის შედეგადაც დასავლეთ საქართველოში მავნებლის რაოდენობა შემცირდა, ხოლო აღმოსავლეთ საქართველოში არ გავრცელებულა.