უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 12:41გენდერული კვოტირების გაუქმებას პრეზიდენტმა ვეტო დაადო და პარლამენტს უკვე მიმართა
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
რეგიონები
აჭარის ავტონომიური რესპუბლიკის კონსტიტუციაში ცვლილების შეტანის შესახებ საჯარო განხილვას კომისია უზრუნველყოფს
დღეს აჭარის ავტონომიური რესპუბლიკის უმაღლესი საბჭოს რიგგარეშე სესიაზე დღის წესრიგით გათვალისწინებული 4 საკითხი განიხილეს. სესიას საკანონმდებლო ორგანოს თავმჯდომარე დავით გაბაიძე უძღვებოდა დეპუტატთა განცხადებების შემდეგ, უმაღლესი საბჭოს რეგლამენტის პროექტი „აჭარის ავტონომიური რესპუბლიკის უმაღლესი საბჭოს რეგლამენტში ცვლილების შეტანის შესახებ“ (ინიციატორები: უმაღლესი საბჭოს წევრები - დავით გაბაიძე, ნინო ჩხეტია, დავით ბაციკაძე), სხდომაზე დავით გაბაიძემ წარადგინა, რის გამოც, სხდომას, საკანონმდებლო ორგანოს რეგლამენტიდან გამომდინარე, უმაღლესი საბჭოს თავმჯდომარის მოადგილე მერაბ კარანაძე გაუძღვა.
დავით გაბაიძის განმარტებით, აღნიშნული ცვლილებით კონკრეტდება უმაღლესი საბჭოს სხდომაზე შესვენების გამოცხადების წესი. პროექტი კანონმდებლებმა 14 ხმით მიიღეს.
დავით გაბაიძემ სხდომის მონაწილეებს კიდევ ერთი ინიციატივა წარუდგინა - კანონის პროექტი „აჭარის ავტონომიური რესპუბლიკის უმაღლესი საბჭოს წევრის შრომის ანაზღაურების შესახებ“ აჭარის ავტონომიური რესპუბლიკის კანონის ძალადაკარგულად გამოცხადების თაობაზე (ინიციატორები: უმაღლესი საბჭოს წევრები - დავით გაბაიძე, ნინო ჩხეტია), ოპოზიციის საპროტესტო განცხადებების მიუხედავად, ასევე 14 ხმით დამტკიცდა. კენჭისყრის დასრულების შემდეგ დავით გაბაიძე სხდომის თავმჯდომარისთვის განკუთვნილ ადგილს დაუბრუნდა.
დღის წესრიგის მესამე საკითხი - უმაღლესი საბჭოს დადგენილების პროექტი „აჭარის ავტონომიური რესპუბლიკის უმაღლესი საბჭოს მაჟორიტარი წევრის ამომრჩევლებთან ურთიერთობის გაუმჯობესების ღონისძიებათა შესახებ“ აჭარის ავტონომიური რესპუბლიკის უმაღლესი საბჭოს 2016 წლის 26 იანვრის N 22 დადგენილებაში ცვლილების შეტანის თაობაზე (ინიციატორები: უმაღლესი საბჭოს წევრები - ვახტანგ წულაძე, ნუგზარ სურმანიძე) სხდომაზე უმაღლესი საბჭოს წევრმა ვახტანგ წულაძემ წარადგინა. პროექტის თანახმად, მაჟორიტარი დეპუტატების წარმომადგენლებს ამიერიდან, შრომითი ხელშეკრულების ნაცვლად, ადმინისტრაციული ხელშეკრულება გაუფორმდებათ. დადგენილების პროექტს დარბაზში მყოფი 18 დეპუტატიდან 14-მა დაუჭირა მხარი.
აჭარის კონსტიტუციის ცვლილებებს საზოგადოება საჯაროდ უახლოეს დღეებში გაეცნობა. უმაღლესი საბჭოს დადგენილების პროექტი - „აჭარის ავტონომიური რესპუბლიკის კონსტიტუციაში ცვლილების შეტანის შესახებ“ აჭარის ავტონომიური რესპუბლიკის კონსტიტუციური კანონის პროექტის გამოქვეყნებისა და მისი საჯარო განხილვის საორგანიზაციო კომისიის შექმნის თაობაზე, რომელიც სხდომაზე საკონსტიტუციო, იურიდიულ და საპროცედურო საკითხთა კომისიის თავმჯდომარემ ნინო ჩხეტიამ წარმოადგინა, სწორედ ზემოთ აღნიშნულ მიზანს ემსახურება. 12-წევრიან კომისიას უმაღლესი საბჭოს თავმჯდომარე დავით გაბაიძე უხელმძღვანელებს და მასში, კანონმდებლებთან ერთად, არასამთავრობო სექტორისა და აკადემიური წრეების წარმომადგენლები იმუშავებენ. სხდომაზე აზრთა სხვადასხვაობა კომისიაში პოლიტიკური პარტიების წარმომადგენელთა კვოტირების საკითხს მოჰყვა, თუმცა საბოლოოდ, დადგენილების პროექტი 14 ხმით დამტკიცდა.