უკან

უახლესი ამბები

დღის კალენდარი

ანონსები

არქივი

პოლიტიკა

19 ოქტომბერი, 2018 17:40
font-size

აფრთხობენ ამომრჩეველს, უნერგავენ აზრს, რომ ჩვენ დესტაბილიზაციას ვგეგმავთ - რომან გოცირიძე

„ნაციონალური მოძრაობის“ ერთ-ერთი ლიდერის, რომან გოცირიძის განცხადებით, ხელისუფლება ამომრჩეველს აფრთხობს და უნერგავს აზრს, რომ „ნაციონალური მოძრაობა“ დესტაბილიზაციას გეგმავს.

მისი თქმით, პარტია როცა საჭიროდ მიიჩნევს, მაშინ გამოიყენებს მის უფლებას და გამართავს აქციას.

„როცა გვინდა, მაშინ გამოვიყენებთ ჩვენს უფლებას და ჩავატარებთ მიტინგებს, როცა გვინდა და სადაც გვინდა. როცა საჭიროდ ჩავთვლით, ხალხსაც გამოვიყვანთ. საარჩევნო კამპანიისას ყოველთვის ტარდებოდა წინასაარჩევნო მიტინგები და ამას გავაკეთებთ თუ არა, ჯერ არ ვიცით, შტაბი გადაწყვეტს. თუ ჩვენ და ნებისმიერი პარტია წინასაარჩევნოდ გამართავს თუნდაც 100 000-კაციან მიტინგს, რა არის ამაში გასაკვირი, როცა წინა არჩევნებზე 60 000-კაციანი გვქონდა. როცა „ქართული ოცნება“ ხელისუფლებაში მოვიდა, ქუჩაში მოაწყო 300 000-კაციანი აქცია. ნებისმიერი აქცია, ნებისმიერი საპროტესტო ფორმა, ხელისუფლების მხრიდან რაღაც საგანგაშო რანგშია აყვანილი და ყოველთვის იმეორებენ, რომ დესტაბილიზაციას გეგმავენო. ამით აფრთხობენ მოსახლეობას, აფრთხობენ ამომრჩეველს, უნერგავენ აზრს, რომ ჩვენ დესტაბილიზაციას ვგეგმავთ“, – განაცხადა გოცირიძემ.

მისივე თქმით, თუ პარტიამ 100 000-კაციანი აქციის ჩატარება გადაიფიქრა, ეს ნიშნავს, რომ სხვა მიზეზი იყო და მიიჩნია, რომ მიმდინარე საარჩევნო კამპანიაში შესაძლებელია სხვა აქტივობა უმჯობესი იყოს.

„ამდენი ადამიანის მოყვანა, თუნდაც რაიონებიდან, რომლებიც ჩვენი მომხრეები არიან და ტრანსპორტირება სჭირდებათ, ხარჯთან არის დაკავშირებული, ამიტომ შესაძლებელია, ამ ეტაპზე, დანახარჯებისა და შედეგების მიხედვით სხვა აქტივობები უფრო გავაფართოვოთ, თუნდაც ჩავიდეთ რეგიონებში და ასე შემდეგ“, – განაცხადა გოცირიძემ.

მისი თქმით, საუბარი იმაზე, რომ „ნაციონალურ მოძრაობას“ აქციაზე 100 000 ადამიანი ვერ გამოჰყავს,საარჩევნო მანიპულაციაა.

„როდესაც გვინდა, მაშინ გამოვიყვანთ ამ რაოდენობის ხალხს. თუ არჩევნები გაყალბდა და თუ ამას ხალხი დაიჯერებს, თავისთვის გამოვა. არაფერი უკანონო ამაში არ არის, რომ თუნდაც წინასაარჩევნოდ მოვაწყოთ დიდი მიტინგი, რომელიც მოუწყვია ყველა პარტიას, მათ შორის „ქართულ ოცნებას““, – აღნიშნა გოცირიძემ.

მისი თქმით, შტაბმა მიიჩნია, რომ საარჩევნო კამპანიის ბოლოს უფრო ეფექტიანია რეგიონებთან ურთიერთობა.

„რადგან გაუქმდა აქცია, ეს ნიშნავს, რომ ჩვენი ენერგია მოვახმაროთ რეგიონებთან ურთიერთობასა და არ დავუშვათ რეგიონებიდან ხალხი ჩამოვიდეს აქ. ე.ი. შტაბმა ჩათვალა, რომ ეს არის უფრო ეფექტიანი საარჩევნო კამპანიის ფინიშზე“, – აღნიშნა რომან გოცირიძემ.

„ნაციონალურმა მოძრაობამ“ მერიაში განცხადება წარადგინა, რომ 19,20,21 ოქტომბერს თბილისში გეგმავდა წინასაარჩევნო აქციის ჩატარებას, თუმცა მოგვიანებით პარტიამ განაცხადა, რომ აქცია აღარ გაიმართება.

სალომე ზურაბიშვილმა ვლადიმერ ზელენსკის უკრაინის საპრეზიდენტო არჩევნებში გამარჯვება მიულოცა

22 აპრილი, 2019 , 14:48

საქართველოს პრეზიდენტმა სალომე ზურაბიშვილმა ვლადიმერ ზელენსკის უკრაინის საპრეზიდენტო არჩევნებში გამარჯვება მიულოცა. „ვულოცავ ვლადიმერ ზელენსკის უკრაინის ახალ პრეზიდენტად არჩევას. უკრაინელ ხალხს ვულოცავ თავისუფალი დ

პანკისის ინციდენტი სამწუხაროდ, წარმოადგენს არა ერთეულ შემთხვევას, არამედ მმართველი პარტიის მიერ არჩეულ სტრატეგიას - „თავისუფალი საქართველო“

22 აპრილი, 2019 , 14:05

თუ ხელისუფლება დასკვნებს არ გააკეთებს მოსალოდნელია პანკისის ინციდენტის გამეორება დედაქალაქში, - ამის შესახებ ნათქვამია პარტია „თავისუფალი საქართველოს“ მიერ პანკისის ინცინდენტთან დაკავშირებით გავრცელებულ განცხ

ივანე მაჭავარიანს 23 აპრილს პარლამენტში მოუსმენენ

22 აპრილი, 2019 , 13:20

ფინანსთა მინისტრ ივანე მაჭავარიანს 23 აპრილს პარლამენტში მოუსმენენ. მაჭავარიანი ხვალ დეპუტატების წინაშე საფინანსო-საბიუჯეტო კომიტეტის სხდომაზე წარდგება. საკანონმდებლო ორგანოში ფინანსთა მინისტრი „ევროპული საქართველო

კორუფციაში ჩართული საჯარო მოხელეები მოწყვლადები არიან უცხო ქვეყნების სპეცსამსახურების მიმართ - გრიგოლ ლილუაშვილი

22 აპრილი, 2019 , 13:20

კორუფციაში ჩართული საჯარო მოხელეები მოწყვლადები არიან უცხო ქვეყნების სპეცსამსახურების მიმართ და ნებისმიერი სპეცსამსახურისთვის წარმოადგენენ პოტენციურ დაკვირვების ობიექტებს, – ამის შესახებ სახელმწიფო უსაფრთხოების სამ

მამუკა ბახტაძე ვლადიმირ ზელენსკის არჩევნებში გამარჯვებას ულოცავს

22 აპრილი, 2019 , 10:40

ვლადიმირ ზელენსკის უკრაინის საპრეზიდენტო არჩევნებში გამარჯვებას ულოცავს საქართველოს პრემიერ-მინისტრი მამუკა ბახტაძე. „ვულოცავ ახლად არჩეულ პრეზიდენტს, ვლადიმირ ზელენსკის. საქართველო მხარს უჭერს უკრაინის მშვიდობიან

დავით ზალკალიანი პორტუგალიაში მცხოვრებ ქართველებს შეხვდა

22 აპრილი, 2019 , 10:40

საქართველოს საგარეო საქმეთა მინისტრი დავით ზალკალიანი ვიზიტით პორტუგალიაში იმყოფება, სადაც დღეს შეხვედრას გამართავს პორტუგალიის საგარეო საქმეთა მინისტრთან აუგუშტუ სანტუშსილვასთან, პორტუგალიურენოვანი სახელმწიფოების თანამე

ვიდეო გალერეა

ნატო ჩხეიძე ინგა გრიგოლიასთან `რეაქციაში` - 07.03.2019