უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
კომენტარი
ახალი სკანდალი: სალომე ზურაბიშვილის მსგავსად საქართველოს ყოფილი ხელისუფლება ცხინვალის დაბომბვაში გორის მერმაც დაადანაშაულა
სალომე ზურაბიშვილის შემდეგ საქართველოს ყოფილი ხელისუფლება 2008 წელს ცხინვალის დაბომბვაში გორის მერმა, კონსტანტინე თავზარაშვილმა დაადანაშაულა. კარალეთის დასახლებაში დევნილებთან შეხვედრაზე მან განაცხადა, რომ პირველი დაბომბვა სწორედ საქართველოს შეიარაღებულმა ძალებმა განახორციელეს.
„ჩვენთან არავინ არ იყო გაფრთხილებული. ხომ შეიძლებოდა, აქედან რომ ისვრი, იქიდანაც გამოგიშვან საპასუხოდ. აქ რა მოხდებოდა, წარმოგიდგენიათ, ხომ? ჩვენ მერე მეორე დილით გავიგეთ,რომ გავიღვიძეთ, რვაში, ეს რა ხდებოდა, დაიწყო... კაციშვილმა არ ვიცოდით. თქვენ არ იცოდით, ჰოო.
ამაზე კითხვას რომ უსმევთ, იმათაც რომ გამოესროლათ ჩვენ რომ აქედან დაბომბვა დავიწყეთ ,იმათაც რომ ერთი გამოესროლათ რა გვეშველებოდა?!...“, - თქვა თავზარაშვილმა.
აგვისტოს ომზე საუბრისას, როცა შეხვედრის ერთ-ერთმა მონაწილემ თავზარაშვილს უთხრა, რომ აშშ-ის მაშინდელმა პრეზიდენტმა ჯორჯ ბუშმა მიხეილ სააკაშვილს არწმუნებდა, არ წამოგებოდა რუსულ პროვოკაციას, გორის მერმა დაუზუსტა, რომ იმავეს აშშ-ის ყოფილი სახელმწიფო მდივანი კონდოლიზა რაისიც აკეთებდა. აღნიშნულ ვიდეოში, რომელსაც ადგილობრივი მედია ავრცელებს, თავზარაშვილი რაისს „ზანგად“ მოიხსენიებს.
თავზარაშვილი მოსახლეობას არსებულ პრობლემებზე სასაუბროდ შეხვდა. მან საპრეზიდენტო არჩევნებზეც ისაუბრა და მოსახლეობას სალომე ზურაბიშვილის მხარდაჭერისკენ მოუწოდა.
ტელეკომპანია „თრიალეთთან“ საუბარში გორის მერმა გაკვირვება გამოხატა, როცა კითხვა დაუსვეს სალომე ზურაბიშვილის სასარგებლოდ აგიტაციის გაწევაზე.
„სალომე ზურაბიშვილის მხარდაჭერისკენ რატომ არ უნდა მოვუწოდო? ჩვენ ვუჭერთ მხარს“, -თქვა თავზარაშვილმა.
„თრიალეთის“ ინფორმაციით, „ქართული ოცნება“ დევნილებს სალომე ზურაბიშვილის მხარდაჭერას სთხოვს, წინააღმდეგ შემთხვევაში, სხვადასხვა სოციალური პაკეტის მოხსნით ემუქრება.
„თრიალეთის“ ინფორმაციით, თავზარაშვილის მსგავსად სხვა მუნიციპალიტეტების პირველი პირებიც სალომე ზურაბიშვილის სასარგებლოდ საარჩევნო აგიტაციას ეწევიან.