რეგიონები

ახალციხეში თურქული რესტორნის დახურვის მოთხოვნას დაპირისპირება მოყვა

ახალციხეში მომხდარი ინციდენტის დროს წუხელ სამი ახალგაზრდა დააკავეს.

მათ დაკავებას წინ უძღვოდა დაპირისპირება ერთ-ერთ თურქულ ბარში, სადაც შსს-ს ინფორმაციით, ახალგაზარდებმა რამდენიმე პირს შეურაცხყოფა მიაყენეს. ინციდენტში მონაწილეებმა ფიზიკური დაზიანებებიც მიიღეს. დაკავებულები ბარის დახურვას მოითხოვდნენ.

,,ვითხოვთ რესტორნის დახურვას, რადგან მთელი ქალაქი გვიქციეს ბორდელად. ქალაქი უნდა გაიწმინდოს“, - აცხადებს ინციდენტში მონაწილე ერთ-ერთი ადგილობრივი.

დაპირისპირება ადგილზე პოლიციის მისვლის შემდეგაც გაგრძელდა, რასაც ხულიგნობის და პოლიციისადმი დაუმორჩილებლობის ბრალდებით დაკავება მოყვა.

ნინო ექვთიმიშვილი